我男朋友唔俾我約朋友仔吃飯/去街

以下的都假設佢係鐘意你的 如果佢唔鐘意你 ....講咩都無用
我諗你就係因為懦弱 所以你忍受左佢既缺點3年
正正因為你既忍受同懦弱 所以佢都唔放棄 因為佢覺得同你一齊你唔會出去搵第二個
其實從第二個角度黎目弟 都唔可以話係懦弱 其實係愛的表現
相遇相愛係很難的 可況係3年
男仔女仔要飛人個時既心態其中一個係 '我會遇到更好更適合自己的'
住住都會有人後悔
佢唔鐘意你同其他人出街 主要係因為佢係一個好傳統既男人
佢唔會鐘意同人分享自己既最愛 係佢眼中你就係佢既
你愛佢 比起你對任何人都重要 唔想你同人有更多不必要既接觸
怕你唔係佢身邊會洩抵 一方面減低你有外遇既機會 因為你識小左人
就唔會有機會 仲會有多D你地之間既時間
或者佢真係唔成熟 或者係佢眼中無理咁多 你就係佢既就係咁簡單
但係拍拖三年真係唔易架 千萬唔好一時諗Y第二D 就要分手
一下了 3年既時光就會無哂 過去就會成為無用既過去
又從第二個角度黎目弟 你係俾佢食住的 所有主動權都係佢度
你其實會無咁開心的 因為佢要保護自己 所以有時未必會顧及人地既感受
你話就算佢俾你去 佢都會俾面色你目弟 咁係因為佢想你哄佢 俾佢有種俾人愛護既感覺 因為佢係真係鐘意你 所以佢先會咁
我諗你一定係成日打俾佢 多過或者無咩係佢打電話俾你架啦
你成日SD SMS俾佢 有一日無SD 我肯定佢會個心會'羅羅暖'
一定會諗話 點解你會無SD俾佢呀 之類咁 等有機會講野個陣
佢又會小題大做 要你哄佢咁 你話你遲左打俾佢 佢又會話你 其實佢係想你哄佢姐都係 登特發脾氣 係想你更加留意佢 佢都係喜怒形於色姐
某程度上 都好過咩都收收埋埋 咩都唔講咁......
E+呢個年代 唔一定係女仔先會要人哄的
可能你會覺得我既諗法過份正面 但係愛情就係一定要從好的方面諗
成日要以為佢出面有第2個 唔信任對方 就會成日嘈
約果佢真係有第2個 唔鐘意你 咁你諗好諗壞都係改變唔到你地會分手
咁點解唔咩都從好的方面諗呢 成日擔心擔心 之後先知係無事 咁擔心咪無謂囉
佢唔係唔想俾空間你 只係佢覺得你有佢就夠 有咩做唔可以同男朋友做以只可以同朋友做呢? 咁所以佢會覺得你做咩都好 同佢做咪得囉
1. 我在未請示他前約朋友算唔算唔尊重他呢?
同唔尊重無咩關係 除非你單獨同男仔出街啦 佢既觀念一日唔變 佢都唔會鐘意你同其他人出街的 不過同同性出街都唔得又過份D既 可能佢覺得個女朋友俾人分左去 唔高興囉.... 最重要係要同佢講清楚 你可以話 "咁人地係女仔黎架嘛 ...." 用呢句果陣要溫柔D 對男仔黎講 用左呢句講咩都有力D的
"人地都要有DD空間架嘛 你有時有唔得閒 咁得返我一個咁點得喎 你陪唔到人地 都唔可以唔俾人地自由D架 ...."其實講咩都好 最緊要你肯講 同埋要溫柔D嗲d咁講 咁男仔俾女仔電兩下就會暈左的
2. 如果我因為gum而同他分手,你地覺得我係咪好幼稚呢?我怕將來會後悔因為gum既事而同他分手, 我在想, 只要我不約朋友出去玩,其實他對我真係算唔錯囉.
約果你改變唔到佢 又忍受唔到啦 分手都係無可口非的 但係你可以話
"你愛我 點解唔改下姐" 可能佢BUY你嗲d呢 你自己都覺得佢對你好 咁仲要擔心D咩呢 ...多D表達自己 但係唔好嚴肅 溫柔D嗲D咁講 你一嚴肅 佢又會嚴肅 硬碰硬只係會換黎嘈交的 講講下又唔好講D灰氣說話 咩我唔想同你嘈呀 我錯哂 你岩囉 之類咁 係最唔好的 你可以扮到可愛D咁 改變個氣氛的 語氣唔同 但係想表達既意思係一樣 一個係嘈交冷戰 一個氣氛甜蜜的傾計 就在於你說的每一句話 人與人之間既橋樑就係溝通 每一句話都好重要的
你愛佢 先會想解決問題的 千萬唔好咁輕易放棄自己最愛的
可能愛一個人好易 但係忘記一個人係好難的 努力去維持兩個人之間既愛情 唔好介意對方付出的俾你小 只要佢真心愛你 就唔應該會去計較呢D
E+最重要係用你對佢既愛黎改變佢 你唔愛佢 你先會放棄 想自己開心D
就要努力D啦 祝你好運^^

1．每人都有自己的生活圈子，正如你唔干涉佢咁，佢可能太過過分緊張或怕失去你，你可以同佢左先約朋友，如果佢用一ｄ太（軒）強理由，你可以平心正氣同佢講（到）理或到時到侯打比佢，你男朋友可能受軟唔受硬，正所謂物極必反。你多ｄ關心下男友。
２．唔會，不過太兒戲喇，三年感情為左少少事就分手，這可能是上天給你的考驗掛。
３．你男朋友會唔會有心事或有心病，多ｄ體諒佢。
不過你男朋友太唔成熟喇～　
如果你要分手就問多ｄ你朋友既意見
（多數男朋友會（張）ｄ心事收收埋埋唔會點講出黎，可能唔識表達掛)

首先o係答你問題之前我想講下我ge感受,我覺得你男友真係好大男人,自己去玩又得,你去玩就唔得??!!!咩道理先?!我覺得佢有呢個心態...我諗佢應該真係好愛你,因為佢想獨佔你,唔想你同其他人一齊,連你ge朋友都唔得,甚至係男仔啦~~但係另一方面佢又冇諗過你ge感受,好似想你變成「獨家村」,剩係識得佢一個咁!~呢種咁緊張你ge態度係好,但係睇你接唔接受到啦~~而我就接受唔到啦~一個約束力咁強ge男人唔係好啱我~~仲有!!!我覺得佢特登唔聽你電話真係一種十分之唔成熟的表現,好不容易先可以約到班朋友出黎,講多陣都唔得?!係咪連時間都要計住呀?!~~仲要講說話你聽?!佢唔聽你電話你咪唔好踩佢lo~~繼續做你ge野~第日佢鬧你啦~~你就同佢講!!係你自己唔聽我電話姐~~~好啦~~答你ge問題,

1. 我在未請示他前約朋友算唔算唔尊重他呢?

嗱!某個程度上,我覺得你係要同佢講聲ge,都係好似你咁講,要尊重佢,但係呢,如果佢話唔想你去又或者叫你唔好去,你就一定唔好聽佢話,(如果唔係,佢就會變本加厲,可能將來連街都唔俾你出)你叫佢講一個原因點解你唔可以同D朋友一齊,佢自己都得啦~~你要同佢講,我有俾自由你,咁你唔係應該俾返相同ge自由我咩?我覺得你有同佢講到就已經好尊重佢架啦~

2. 如果我因為gum而同他分手,你地覺得我係咪好幼稚呢?我怕將來會後悔因為gum既事而同他分手, 我在想, 只要我不約朋友出去玩,其實他對我真係算唔錯囉.

之前我都有講過啦~~大男人唔係個個都頂得順,當你有一刻真係好頂唔順佢ge時候你就同佢分手啦,不過你就要恆量下究竟o係你心入面,朋友緊要D呀,定係佢緊要D,當然如果可以解決到佢ge問題ge就ok呀!如果唔得ge,就算將來分左手,都係需要一段時間平復心情,畢竟呢段感情都咁耐啦,要放下真係唔係好易~

3.究竟他是什麼心態呢?有無方法解決呢?(我地因為gum吵架次次都不歡而散)

之前都講過~~佢係因為緊張你先至會咁約束你ge~但係我覺得佢ge方法實在太唔正確啦~如果佢真係愛你ge,就應該俾你做你自己鍾意做ge事情,間唔中打下電話黎虛寒問暖已經好足夠,奈何我知道唔係個個人都咁完美
我覺得你應該做返你自己,你鐘意同d朋友去玩,同佢講聲之後,唔好理佢鍾唔鍾意,照去!!!
佢唔聽你電話ge,你都唔好聽佢電話!佢唔俾你去玩ge,你就同佢講,「好呀!咁你以後都只可以同我一個出街!唔可以約你D朋友!!」佢野蠻你就要野蠻過佢,反正女仔一向都係野蠻架啦...哈哈~~
我之前都有個咁大男人ge男朋友架~~我真係好頂佢唔順,於是有一排我唔採佢,如果佢真係愛你ge~就會死死氣咁返黎氹你開心架啦~~

2007-08-13 03:10:21 補充：
你自己話你係一個好懦弱既人,可能你唔會好似我講咁做得咁決斷,但如果你真係想解決問題ge你就一定要令到自己做得決絕D,感情ge野,有就有,冇就冇,如果段感情真係好堅固ge,就算遇到D咩事,即使係打風都唔會甩,但係如果段感情好唔可靠ge,分左手都唔可惜,起碼可以俾自己多一個選擇ge機會,係咪?!~

其實你未請示他前約朋友算唔算唔尊重他,人是有自由權,佢沒有約你,你都可以約d朋友去吃飯,我覺得約朋友去吃飯是好正常,而且你男朋友的思想好唔成熟,好像常常打電話,檢查你在哪裡,同埋你男朋友d脾氣唔是幾好,仲有你男朋友出去約朋友就不會向你說,反而你約朋友就要同佢講,唔講就發脾氣,好唔公平禍!如果站在我自己(回答者)我一定會和他分手,如果要結婚仲更加不用,因為你男朋友綁得太緊,會令人反感,雖然我沒有拍拖,但是我d親人拍拖是有自由,得閒都會約朋友去吃飯嫁,希望幫到你!

我覺得佢係太過緊張,所以佢致會錦

1.有d唔尊重,不過你都有自由權既
2.有d幼稚,佢對你係唔錯,但你無晒自由權,你會開心咩
3.佢個人太(文)感喇,你應該搵日同佢傾下(最好係面對面傾,你無信心就試下打俾佢or sd信息)


dd只不過係參考資料,希望你唔好介意我哩番說話(‧_‧)

你男朋友同我男朋友一樣，都唔鐘意我地搵朋友，
但你自己諗清楚，接唔接受得到？

分手吧!!!