用煤氣爐好,還是用電磁爐比較好呢?

煤氣爐，火力猛，鑊氣夠，煤氣費用平過電費。
(港燈電費重貴過貴利佬。)
缺點：較電磁爐危險，有漏煤氣機會，做成氣體爆炸危險。油煙較大。
電磁爐，計設時尚。比較適合現在無飯夫妻。同開放式廚房。
缺點：火力一般。油煙一般。電費貴。
(公司用左電磁爐煮兩餐20人餸(分3次煮)，無煲湯。
港燈每月電費多$15000-$18000)
(公司有一部尚朋堂2000W的電磁爐，一般炒菜重勉強接受。但炸同煎
重差過微波爐。再去買一都3相電工業用的，才勉強解決問題。)
如果唔係點煮飯，電磁爐就比較靚仔。
煮得多，提議用媒氣爐。
現時的新式煤氣爐，外型都OK架！

電磁爐除了和一般煮食爐一樣可煎炒煮炸外，還有以下好處：

1. 周邊溫度不會上升
2. 安全，冇吹熄火的危險
3. 不會燒傷
4. 平面易清潔
5. 節能 = 慳錢 & 環保
6. 一插即煮
7. 空間更實用，室內設計彈性更高

其實燃料費很易計:

1度電 = 1千火用足一個鐘

通常以2千火的電磁爐煮食，用半小時左右，最多都只是用了1度電，中電是 $1 / 度，港燈是 $1.2 / 度，所以一餐的燃料費大約是$1 - $1.2，較氣體慳30% - 50%左右

要達到火力 "勁"的效果，除了爐頭火力外 (一般由2千到3千火；電磁爐2千火大約相等於氣體爐的5千火左右)；也要鍋具的配合，簡單來說，越厚的鍋具，表現越好。而最好的物料為生鐵，在上海街，幾十元便有交易。

簡單講, 煤氣費平, 電磁爐的電費好貴. 所以我會建議用煤氣爐.

電磁爐比較好,因為煤氣爐係用天然資源一点都唔環保,而且電磁爐煮食快!!!!!!!!!!!
但電磁爐就較貴,不過為左環保我會見議你用電磁爐!!!!!!!!!!!!
因為電磁爐煮食快始終可以助你用少唔少錢!!!!!!!!!!@-@