帶狗狗去愉景灣好嗎?

據我所知...愉景灣就冇乜嘢玩咋...
如果你想帶狗狗出去玩全日的話, 我會提議你帶佢去馬灣（即係柏麗灣）
因為柏麗灣係唯一一個能夠俾狗狗自出自入的地方,
每次我都會見到有幾十隻狗狗會喺露天公園度玩或者同ｄ主人食飯...
你不妨可以入一次囉！（我隻狗狗成日都落去玩架...）

（１）如果你改入柏麗灣的話...狗狗係可以上船的（係荃灣碼頭上船, 大概三十分鐘開一班船...雖然架船係有冷氣, 但主人就一定要同狗狗一齊坐响無冷氣的船頭, 船程大概十至十五分鐘之內...但你一定要同你隻狗狗帶口罩, 以免其他人驚呀！）
（２）你一落到船就會見到好多餐廳, 雖然大部份的餐廳都唔俾狗狗入內, 但係餐廳門口都設有露天茶座...而這些露天茶座是專讓一啲帶狗人仕可以與自己心愛的寵物共享...
（３）而柏麗灣果度有一個可以俾狗狗游水的海灘, 但係就有救生員...不過好多放狗人仕都會帶自己的狗狗去果度游水, 而且果度有水喉係俾狗狗沖身用的...
（４）其實我諗你聽到呢度都唔會覺得果度好悶囉...因為柏麗灣果度真係有好多狗狗, 玩足一日都可能未夠喉添呀...

你快ｄ同埋你隻狗狗一齊入去玩啦！
話唔定到時你隻狗會識咗好多新既朋友仔添呀！

其實你的狗不可以搭船,第一:狗狗是不可以搭船,何况你的狗是中型犬。第二:偷景灣是沒有
餐廳可以給狗狗進入。第三:大白灣是不可以讓狗狗進入,我勸你都是去「香港狗公園」。第四:如果你想同狗狗玩足一日,我想沒有可能,上面都巳經說明。