神召會元朗錦光堂

整體係唔錯,其實你自己可以感受一下,我係錦光返左兩個月度,覺得幾好架!
至於有網友批評教會強調奉獻,我就冇覺得佢地迫我奉獻,根本你奉獻都冇人睇到你奉獻幾多,而什一我就未有經驗(因初信),但我相信你冇時或你有難度時佢地都唔會迫你(唔通搵刀摃你咩^_^),但什一係每個基督徒都要做,你相信 神你奉獻佢會加倍比返你!(亦冇人去check你搵幾多錢一個月,冇人會咁樣做,我d朋友在錦光返左好多年都話冇咁既事,係冇迫既!
本人覺得唔應該太計較一d數目字,又唔好下下記住付出就會得幾多回報,或者你已有得著你自己冇為意,做人可以宏觀點,眼光可以放大d!又唔係成副身家!係神睇到唔係人睇到的!講心!
其實錦光堂真係幾好坐,音響設備,冷氣都好,呢d都係教徒齊心努力得黎,(如無奉獻又點會有呢d?都係教徒自己享用返!就算牧師在教會出糧,本人都覺得冇問題,因他既工作是講道,令我地知更多,了解更多,我亦相信有監察,冇人可以在教會矛取矛攜),係大家既成果!
有網友話返左好耐都見唔到陳牧師幾次,我返左唔耐,約兩個月但已見到佢四,五次(我咁好彩?)其實陳牧師講道幾精彩,幾吸引,冇悶場,深入淺出,令我了解多左聖經既意義!
至於有網友話冇人關心佢,又話決志左就態度變,如果你想人關心你,你係咪返教會都好,首先你要打開自己個心,等人地知你有困難,要去表達,亦要思考問題出在那裏,唔會冇人關心你,咁多教友,總會有一個幫你,當然你既困難要有point先得,其實每個地方都係社會既縮影,在於你做人處事及思考既態度,自己要多關心別人,更要關心得其法,久之,你就會感受到關心是什麼,是要先去了解什麼是關心,才會感受到關心的!正如我現在講道理一樣,你覺得入耳,你就知道我係關心你,我點解要花時間在此講咁多野打咁多字,但若然你唔鐘意聽既話就會覺得我指責你,一念之差的!你批評教會等如你批評教會所有人,而你亦唔會識晒所有人,對其他人有欠公允,要用持平的角度出發,這對你日後不論任何地方也有用的!心存怨氣,也難保你轉會後唔會有咁既事或感覺再發生!願神會比智慧你去得到多點同人相處的技巧!
至於有事要你祈禱就當然的,作為基督徒有心事要同神講,等神幫你比智慧你,在神凡事皆能,
至於組長係咁叫你帶人返,我相信主,我覺得信主係好事,有得著,我都想多d人都有得著的,用心係想人好唔係害人,你做到幾多咪去做,做唔到都無需太內疚,不過,理論上,你信左主而叫人返教會,唔應該會覺得有問題的(所以請思考自己點解會覺得唔耐煩?係咪自己信主決心未夠?願主比多d決心你)
錦光堂環境,氣氛,牧師教友都唔錯,而最主要返教會係崇拜,唔好諗得咁復雜就可以了!願神賜福給你!

2007-08-16 14:15:51 補充：
我己經決志左,但冇人迫我奉獻,相信冇人可以強迫人做奉獻既事(呢d係講心),而有教友話如冇帶人返黎就比人當冇到,其實......冇到既定義係乜?我去教會係崇拜,自己又唔係明星,唔需要咁多人關注,我都係同幾個人打下招呼咁,咁係咪代表我冇到呢?我返教會係因為我要同教友一齊敬拜,同埋去教會聽道,唔係去應酬同玩,最緊要神當我有到就得,知道我就得,我好感恩!因為我慢慢知道,信主係需要有一顆無懷疑既心,而網友提出既問題係人既問題,非神既問題,亦願主比我地更大既智慧幫我地解決人既難題!

2007-08-17 00:49:53 補充：
To pk312.....我唔係什麼組長,亦唔識佢(仲要係靚女),哈,真是一個美麗既娛會,本人係師奶仔,想唔補充,不過你打出cy_所以回應......,本身只係想你地睇開d才答下問題!點知你越諗越多,不過,以下係個人睇法,只係想你開心d!

2007-08-17 00:50:45 補充：
唔好成日去諗人地對自己點唔好,世界係咁架!唔係1 1就等如2,或者你地仲細,需要好多好多注視,我就過左呢個年紀!當你越大就會見得越多,你覺得錦光唔好,唔排除樹大都有枯枝,只要超個兩人就可以有是非,但有人既地方,邊有得保証何處是樂土?所以更要去信主求真理,人為問題駛乜咁上心?男仔應該要大量d先得架! 到出黎社會做事,就更加知道有好多事唔好斤斤計較,咁你先會開心d!話人地樣靚有so,咁駛唔駛去整容?我唔靚架又係師奶,咁點呀?但我d朋友同我好fd,會同我飲下茶,只要你開朗d,人都靚d啦!對人微笑,點頭,言行唔好咁有攻擊姓,唔好標奇立異,咁你就會多朋友!真架!

2007-08-17 00:52:06 補充：
至於話牧師炒股票又話好早整靚個堂之類,一:係唔知佢有冇炒股票,就算有都係佢既事,同我信主冇關係,只要佢講得好就得.二:你話個會堂好早已經好靚,咪仲好?唔駛裝修都即時有得用!(我好似係未返夠兩個月^^',所以我唔清楚,)不過都唔係問題,都同我信主無關,不過個堂舒服d,我見過d公公婆婆坐得幾好,幾開心,都係好事! 願主祝福你,開心d

2007-08-17 01:23:44 補充：
其實講咁多都只係覺得,自己既意向,唔應該比其他野影響,返教會聽多d ,了解多d,會有幫助,至於返邊個教會都係自己既選擇!最緊要個心正確就得!不過,真唔好意思,我比人誤會係另一個人冇所謂,但人地比人冤枉話呃人,相信會幾難受,願神祝福佢!

其實呢個教會系一間好好嘅教會嚟^^
奉獻嘅多小5系最重要!!
最重要系你嘅心!!到底你系咪樂於去奉獻!
呢樣野神其實系會睇到架!!

好偉大哦!!!!!! cy_yeung1220 !!!!!!!!!!
講咁多野有咩用呀 !
亞儀組長 ! 知道你對教會好好，你點止返左2個月呀，唔好咁呃人啦。等我幫你澄清啦，你係返左7年。

聖經講過 :
以弗所書4:15說:『惟有用愛心說誠實話,凡事長進 ,連於元首基督。 』
你咁呃人，好似唔係咁好姐!

你講ga有d都岩，不過好多野你都唔知。
我見到你用咁多文字去回應人地，睇得出你對教會ga忠誠，我好開心。可惜呢?
你次次考試扲頭幾名，較晒叻女 ! 而且你咁靚女，人地梗係對你好啦 !
我地做男仔，就可憐得多。我地無人關心，好慘嫁。講真! 教會人真係幾多，不過大家都唔識呢 ! 根本就係小圈子，所以人多都唔一定有用。
你記唔記得有一次，你走去同其他區ga人傾計果陣，佢地都根本唔係好想理你 ! 我見到都覺得無奈。唉! 點解你要咁呃人? 我知道你鐘意傳教，不過一定要比人地知道教會所有ga缺點，

如果唔係，就好似Jackie、May、小詩佢地咁，無啦啦唔返教會，咁樣仲衰。
講到設施方面，教會一開始就係設備咁先進，因為牧師以前係抄股票的，一賺就賺到勁多錢，不過到97年果陣，金融風暴令到牧師損失左唔少，所以決定收出，從而開教會，確保自己穩定收入外，仲可以傳教。牧師提過，其他教會因為一直無咩人去，原因係設備唔好，所以先用左好多錢去購買一d完善的設施，希望可以多d人去。

亞儀組長有d野講得岩，不過有d野，須要更正，希望解答到你ga問題。

我認識到錦光堂d男仔全部都勁好色，我身為女仔都係咁覺得，如果你係女仔的，唔好番就最好。
不過你係男仔的，你可以繼續番的，因為所有男仔都對女仔特別好，你可以去溝下女

無人提起仲好d，一提起就勁火。
以前我都返過神召會元朗錦光堂，經歷不少傷心的事，留下傷心的回憶。
無論係牧師、傳道、家牧、組長等等，都係完全無修養，我都唔知佢地有咩資格叫人返教會。

係我繼續講之前，先引用聖經的話語 :
以弗所書4:15說:『惟有用愛心說誠實話,凡事長進 ,連於元首基督。 』

佢地無一個人可以達到以上聖經最基本的話語，根本無資格去傳教。
首先講一講牧師---陳立人，我返番神召會元朗錦光堂三年，但係都無幾多次見到牧師。計起來，我只係見過牧師只有4次，而且從來無見過牧師崇拜過，所以我好質疑牧師係唔係只係得個名，根本無實力。

第二講一講傳道，所謂傳道比我的記憶中都係負面的。係神召會元朗錦光堂，主要由2位主持崇拜：鄧韻姿傳道 + 李少芬傳道，佢地擺架子多過做傅道應該做的工作。

另外，都會之間的人互相批評，相處不融洽之外，而且返到去根本感覺唔到有家的感覺。你返左個半月，我唔知你決左志相信主嗎?

對我來講，相信主唔係一件壞事，但係如果你而家唔決志的，我真心希望你無論如何都唔好係神召會元朗錦光堂決志。
無可否認，神召會元朗錦光堂的確係間大教會。不過同樣出現很多問題，相比起一間規模較小的都會，問題更多。

返神召會元朗錦光堂的人的確好多，同樣地，『『『流失率一樣係非常高』』』。好多人係決志相信主之前都會覺得返果間教會係幾好，不過係決志之後就開始感覺到間教會愈來愈差。

我講一講係決志前同決志後的分別啦 :
係你決志之前，你會發覺d組員對你好好，會好歡迎你，而且唔洗你奉獻，你自然會覺得好開心，好快樂。組長會為你祈禱，感覺好親切。不過你有無發覺到佢地會不斷叫你決志呢?

係你決志之後，就會出現好多問題，好多人都會因此而離開教會。就算唔離開教會的，都會利用某些藉口，希望減少返教會的次數。 為什麼?
因為佢地係決志之後先見到教會的真面目，例如:
1) 要求你立即比奉獻，例如 : 什一奉獻、組聚奉獻、家費、主日奉獻等等
(假設你係7月31日決志信主，教會都要求你交埋7月的什一奉獻、家費等等。)

2) 立即要求你傳教，而且個個星期都問你有無帶新朋友返來，勁煩。
(如果你係一段時間之後無帶過新朋友返來，其他人就會當你無到，唔理你，會令你覺得非常悶，甚至會令到自己都唔知返來做咩，最終知難而退。唔再返教會)

3)你會發覺到係決志之前人地所對你的關心完全無晒，佢地只會繼續關心新朋友。

最後，我祝福你，希望你作出一個明智的選擇。
返邊間教會係你的自由，不過我都希望你可以考慮清楚。