收到房協的揀樓信便等於一定可以選樓嗎?

揀樓信的目的係要令申請的買家以公平, 抽籤的形式來分配揀選樓宇次序時的證明文件, 當然當中已經分了優先的綠表和白表啦, 但係房署係唔會按申請人揀選屋苑而抽籤, 而係全部申請者一併抽籤的 !

至於收到信, 係有得在指定日期揀樓, 但其實中籤的申請人大多數在未揀摟時, 已經心裡有數想揀選某個屋苑的單位, 所以可以講未必揀到心水單位, 除非抽籤號碼好前, 現在你只好期望在你前面中籤的申請人唔係同你揀選同一屋苑, 如果如是的話, 到星期四你就重有單位揀, 如果唔係, 你一係揀 second choice (另一屋苑), 一係自動棄權(則唔揀).

假設如下 :
供揀選的屋苑有 : A 400單位 B 200 單位 C 500 單位

申請表格有 : 2,000 份 , 自動抽籤成 1至 2000 號碼以作揀樓的次序

抽籤時段 : 星期一 (1 - 100 號) , 星期二 (101-200 號) , 星期三 (201 - 300 號), 星期四 (301 - 400 號) ... 如此類推

星期一 的 1-100 號 (100 全揀選 B 屋苑)
星期二 的 101-200 號 (有60選 A 屋苑, 有 40 選B 屋苑)
星期三 的 201-300 號 (有10 選 A 屋苑, 有60選 B 屋苑, 30 選 C 屋苑)
到 星期四

則 揀剩的係 :

A 屋苑 - 330 個單位
B 屋苑 - 0 個單位
C 屋苑 - 470 個單位


所以這現象常常出現, 申請者表格數量遠遠超過單位數量, 但到頭來揀樓活動完曬, 仍然有大把屋苑的單位靜, 個D 米叫 賣剩蔗 lo !

一定會有得揀，但揀唔揀得落手就好睇你嘅次序同埋喺你前面Ｄ人買樓嘅意欲。封揀樓信其實是通知你帶齊文件，如果你好彩揀啱心水可即時check文件和簽臨時認購文件。我試過去到揀倒後俾佢地話我人工超額唔俾我買；但可能係好彩，啱啱係天水圍長短裝其中一座。