第1次到日本!!

嘩！你個團行程真係十分豐富，十分適合第一次到日本的朋友玩，我去過日本十幾次，你個團的大部分地方都去過，希望以下資料可幫到你：
day 1：心齋橋是一條有蓋購物街，很長很多shops，它與道頓堀相連，道頓堀有很多食店，行程中的金龍拉麵是一間街邊舖，不過d麵真係好好食。你又可試食蟹和章魚燒。
day 2：環球影城，很好玩啊！我上個月先去完，過山車和4D史力加好玩，影城內食野比較貴，你可在門口打手印，出去荷李活購物大道食lunch，再入場。
day 3：在京都觀光，應該不太多shopping時間。你乘子彈火車到京都時，試下問領隊可否帶你們行車站頂的天橋，很特色的。
day 4：御殿場outlet是一個很大，露天的shopping centre，有幾百間shops，幾乎包括所有名牌，但多數賣上個season的款式，update的款式等day 7到銀座買。富士急樂園有座十分大的過山車，好玩。
day 5：箱根的風景好靚，記住影多些相。新宿地下街完全冇特別，不如上地面行公司或電器舖，新宿有間藥房sundrug的藥是最平的(在東口大電視斜對面，紅色日文招牌)。
day 6：又係遊樂場，不如叫領隊放你們去新宿或原宿購物好過。
day 7：田崎真珠有些搵笨，銀座行百貨公司和blue label就幾好。在日本同一百貨公司買滿10000 yen是可即時做退稅的，但要到百貨公司的customer service做。
日本乜都有，你記住要帶個吉喼去裝戰利品呀！仲有，浸溫泉千祈唔好帶大毛巾入去呀！
祝你旅途愉快。

我去過2次日本SHOPPING團不過係永安唔係東瀛遊!
你個團應該會去迪士尼,係咪?!
因為以我所知你如果唔去迪士尼東瀛遊係唔會退返錢比你......
而永安就會每人退返好似$250
我上次就唔去迪士尼把握時間自己去左新宿SHOPPING ^^
其實有本叫做東京SHOPPING天書 $88,係機場D書店有得賣,
入面介紹左好多好地方同有地圖教你點行!
其實OUTLET係有好多品牌,多數都係賣時裝多.....
佢D貸會比出面鋪賣得平D或者平好多.....
因為OUTLET賣果D通常都係斷碼貸或者係倉底貸!
溫馨提示:帶多幾套衫,帽,太陽眼鏡同防曬,我去左2日户外地方已經曬到黑左好多 = =
祝旅途愉快 ^^