動物之森......

1. 每條村最多會有8個村民，所以冇辦法令多ｄ村民黎住。佢地有時會突然話要搬走，如果你唔想佢走，你就不斷同佢傾計，勸佢留低。佢之後會話考慮之類既說話。不過唔係次次都講一次就會留低，到時你就要繼續同佢傾。

如果個村民搬走後，過幾日會有新村民黎。我試過有村民走後，過幾次，佢又會搬返黎。如果你有同人連線，個村民會去佐其他人條村，你去探佢時，佢仲會記得你架。不過呢ｄ全部都係隨機既，冇得揀。

另外，你見到自己條村有ｄ牌插住，呢ｄ地方就係有機會會有村民住既地方。佢地搬走後都會有個牌插係度。

2. 你要對村民好ｄ，多ｄ同佢地傾計，幫佢地做野，佢地先會送相。送相之前，佢地會見到你時，頭上有個感嘆號，之後走黎你面前想同你傾計，佢就會話送張相俾你（不過唔係次次感嘆號都一定係送相）。另外，記住時時都要保留一個位，隨時會有村民話送相俾你，如果你冇位，佢唔會送架。
至於幾時先會俾，都幾睇佢地既性格，有種性格既村民係唔會記得有送相俾你，但又會叫你好好保存佢張相。

3. 椰子樹一定要沿海既地方先種得到，但唔可以係沙上面種。不過，因為成條村唔係所有地方都可以種到樹。不過已經有樹既同一個位就一定可以種到樹。

所以如果擔心種唔到椰子樹，你可以係近海既地方搵一棵樹，用斧頭砍走，之後用鏟挖走樹根，再種返椰子落去，就一定可以種到架啦。你可以試試呢個方法架。

1 and 2: 唔識，對不起
3.　椰子樹要種在近海的地方