關於狗瘟的問題

唔好咁多疑問, 只要跟足医生指示相信無問题, 最緊要有帶佢看医生, 別人的經驗不是百份百可信, 盡信書不如無書,
佢發冷當然要給牠温暖啦, 做咩呀, 你怕傳染呀, 唔会噃, come on, 現在是你做好主人的時候, 佢好翻後, 一定不会忘記你, 一定会对你好好, 好忠心於你

唉~~狗狗有病, 做主人梗係既擔心又心痛啦! 其實你同狗狗算好彩啦! 依你所講0既情況, 應該算發現得早. 狗瘟越早發現, 醫番好的機會就越大.
狗瘟的病情好反覆, 時好時壞, 而且起碼要醫一個月至會康復, 呢兩樣嘢你要有心理準備.
狗瘟醫唔得醫好, 針藥固然不可少, 但意志力好重要架! 你要對狗狗講多啲鼓勵0既說話, 譬如 "(佢個名)乖, 我知你好叻架! 堅強啲, 我知你一定會好番架! 你要俾心機打贏呢場仗呀! 我會喺你身邊支持你, 你要加油呀" 你同你屋企人0既支持, 就係要生存落去0既最大原動力, 你要支持佢呀!
狗瘟的護理, 有以下幾點要注意 :
1. 唔可以再俾佢冷親. 而家天氣咁熱, 你屋企實有開冷氣啦, 千祈唔好俾狗狗接近冷氣機0既出風位. 瞓覺時, 最好幫佢冚番張被仔.
2. 一定要想盡辦法氹佢食嘢. 佢病得咁嚴重, 多數會冇胃口食嘢, 但唔食嘢就冇力量對抗病魔架啦! 建議你用水煮熟啲瘦肉或雞肉, 撕成一絲絲, 撈埋狗糧一齊俾佢食, 肉類0既香味會引起佢0既食慾.
3. 最好廿四小時有人照顧佢, 因為佢0既分沁物同大小便都會有好多細菌, 佢疴完後, 應該立即清理及用漂白水消毒, 否則佢成日同啲細菌為伍, 想康復都難呀!
我曾經養過一隻查理斯, 佢都係發狗瘟, 但我發現得太遲, 醫咗三個星期, 最後都救唔番. 而家諗番起, 仍然好自責及心痛, 如果我早啲發現, 佢會救得番架! 我都係嗰句, 你同狗狗都算好彩, 及早發現, 有你0既支持同鼓勵, 我相信佢一定會康復, 你同狗狗要加油呀! 我會為你們祈禱的.
如果你有仲有疑問, 歡迎你隨時email俾我, 我會盡力回答你.
最後, 祝你的狗狗早日康復.

狗瘟係有2成機會會好番,記住要睇醫生ar
但你抱住佢佢係唔會暖架,最緊要係睇醫生ar

狗瘟可大可小架，你一定要好好照顧佢，如果佢食得就盡量俾多d佢食，咁樣先可以對抗病魔架！醫生有無咁你俾葡萄糖水佢飲呀？小狗生病最好俾葡萄糖佢飲，等佢多d抵抗力。見佢發冷，最好俾個暖水袋佢陪佢訓，仲要依時食藥呀。
希望你的寶貝快d好番啦~