✔ 最佳答案
你乜都冇講因乜原因激嬲你女朋友, 好難同你分析喎,
只能贈你幾句, 耐心等佢條氣順番(而家唔好狂打電話俾佢, 狂send sms 俾佢, 煩死佢啦, 但又唔可以唔俾佢知你仲係著緊佢), 用誠意同時間(所以起碼一日俾2-3次電話佢, 或sms啦, 多就唔好啦, 要有恆心, 鐵柱磨成針), 向佢證明你仲係好關心佢o既.
當然啦, 佢嬲你果件事, 你要一再保證不會再犯或不會再做, 睇下佢原唔原諒你啦.
如果知佢住邊, 在佢屋企附近等佢, 俾佢知你係度等佢, 但不要死纏爛打喎, 耐心咁靜候佢原諒你啦.
2007-08-14 11:36:56 補充:
正如我之前講, 真係唔好狂打電話俾佢了, 會覺得好大壓力的.如果你覺得無左佢好痛苦的話,你可唔可以好似初初追佢時咁, 俾耐性同時間再追佢一次呢? 你初初追一個人, 會唔會狂搵佢, 狂send msn 俾佢呢? 答案係唔會.不過你不是沒有優勢的, 你可以花心思, 把兩個人甜蜜的過去片段, 整個紀念冊俾佢,寫d 承諾會對佢好的肉麻說話.諸如此類. 如果你是諗住同佢天長地久的, 冇見大半個月是辛苦, 但用雙陪時間去追番佢番黎, 相比幾十年的往後日子, 這只是小小的一個生活片段, 是很值得的. 俾耐性, 誠意同時間啦.
2007-08-22 12:06:46 補充:
唔好理佢係乜原因提出分手, 就算是有第三者, 都係因為你地兩個之間有問題, 才會俾人有機可乘的. 所以而家1)問清楚自己係咪好like佢, 係咪冇左佢唔得 2)係o既話, 當重新追過佢咁, 膽大心細, 由頭追過 3) 就算有第三者, 你都可以做第四者黎追佢返黎 4) 記著, 小心行動, 唔好給壓力, 又係果句, 耐性!!!時間!!!細心!!! 你長情繼續o既話, 仲有一半機會, 你放棄就一半機會都冇嫁啦.
2007-08-22 12:11:40 補充:
但記著, 感情是不能勉強的. 如果你盡哂力, 半年一年有耐性咁追番佢都係冇用的話,就一定要放手!!! 一定要放呀. 對你對佢都會好d.希望今次只是你們間的小風波啦.
2007-08-22 12:22:04 補充:
仲有, 想講一講, 我唔其他女仔係點, 但係以我自己來說, 當我嬲了我男朋友, 嬲到唔聽佢電話唔踩佢, 而佢跟住真係唔搵我的話, 我會嬲到爆的. 但通常仲鐘意自己男友的女仔, 通常嬲到第三日都會心軟的, 而你女朋友如果而家仲嬲緊你, 就真係要問下, 佢係咪仲鐘意你. 但正如我上面講, 可以當重新黎過. 再追過.