波鞋有咩用

最緊要岩ｓｉｚｅ，特別是技術型既球員。
要留意例如：

１）　鞋面質地
２）　鞋布厚度（直接影響觸球感）
如果個人需要／習慣球感較佳者，無咁厚會較好。相對保護性會較低。

３）　平地足球鞋：鞋底厚度（直接影響觸球感）
４）　球鞋重量
５）　鞋頭形狀與高度
６）　釘鞋：鞋釘排例／數量（一般踢波千奇唔好買金屬釘，好危險，嚴重既踩到有可能出人命，唔係講笑。香港爛草地唔適合金屬釘鞋，因為會越踢越尖，越尖會點．．相信唔需要多講。金鐵釘係外國靚草地先用的。踢開足球既人都會知道。所以一般見賣剩既款多數係金屬釘。）

以上係最重要既幾項，選擇就視乎個人需要。
假如唔清楚既，到你有需要既時候自然會知道。
未知道既話，揀自己鐘意既款色其實最好（心理上）。著起人都精神ｄ，踢波都勁ｄ。哈哈。

另外最重要，岩ｓｉｚｅ既原則係，最貼腳而又能夠靈活活動，唔會痛為準。

盡量唔好加鞋毯，咁只會令腳底既觸感再降低。

最後簡單講足球鞋一般既分類：
一般只需要留意以下分類就足夠。

１）　平地足球鞋
鞋底無釘個類就平地足球鞋
最適合係石地，平地，室內。
另外非仿真草式既人造草地亦可以。但落雨時會比較容易失足。

２）　人造草足球鞋
鞋底有好細好密一粒粒釘仔，佈滿成個鞋底既個種就係
呢類球鞋最適合係非仿真草式既人造草地足球埸使用。
仿真草勉強亦可，但要視埸地而論。

於石地／平地等用呢類球鞋除左無咁咬地之外，損耗仲會好快。
至於真草地，人造草足球鞋同樣容易失足，特別是雨中戰。

３）　草地足球鞋
鞋底有約十粒大釘既足球鞋。
最適合係真草足球埸，又或者仿真草足球場。人造草亦可，但較果不是最佳。

以往傳統有１３粒，１１粒，９粒等。圓形狀。
後來有長條形等各式各樣既釘形。多數比傳統圓形狀既鞋釘為短。唔同排例咬地情況都會唔同。

一般越多釘會越咬地，但缺點亦有。例如地太乾，越多釘越似企係石地但有釘於鞋底咁，即鞋釘入唔到泥。因為地太乾太硬，最重要係草少。
太濕的話，越多釘，優點無錯係咬地力較好，唔容易失足；但同時亦因為鞋釘插進泥土中，鞋釘越長、越多，越覺舉步維艱。於體能下降時會更快令體力清耗。

不過講到尾最主要都係埸地既問題，如果真係好講究，草地的話什至應該最少要有兩至三對足球鞋。

一般友誼賽衛生波的話，其實一對已經足夠。
選擇適合埸地的足球鞋經已足夠。餘下的，揀對自己覺得〔靚仔〕架啦！

有波鞋著.Protect the foots