✔ 最佳答案
你洗機係因為你認為「洗機之後就可以用返個光碟機」?
其實我唔係好明你話「用唔到」的意思…係指佢係「開機時無法進入安裝畫面,但入到windows後用到」定「開機同入左windows都用唔到光碟機」?
若果係前者,可能係你未設定光碟機作為第一個開機時,會首先讀取的裝置,你可以係開機時按「Delete」(可能因為底板不同而有所改變,這只是大部份底板用Delete,作為進入設定頁的按鈕)進入底板的設定頁,在裡面設定「光碟機」為最先讀取裝置就可以讀取windows碟洗機!
若果係後者,就可能係你底板壞左或者你未set好光碟機的jumper…底板壞自然要搵人整,至於jumper呢,就要睇下你有幾多光碟機,得一部光碟機的話,就唔洗點set個jumper,因為佢出廠時有幫你set埋。若果你真係得一部光碟機的話,多數係底板壞…再唔係你買左壞的光碟機返去…點都要搵人整…
若果唔係以上情況,不如將個硬碟機放係第二部電腦度安裝左個windows先放返過原本部電腦度,但你一定要將第二部電腦原本的硬碟移走曬(拔走曬硬碟上的線),因為電腦開機檔通常放係C:/度,原因係C:/的變動係系統上較少的。當你安裝完後就插返個硬碟去原本部電腦度試下,記得只係安裝windows先好啦,到移返個硬碟去原本部機先裝驅動程式都唔遲!重有係安裝windows時佢會叫你安裝d裝置,你記得唔好安裝佢地就得!
唔明再問!希望以上解答能夠幫到你!