收養流浪貓

首先佢咁驚係因為寵物店嗰個人攪到佢咁, 佢根本唔配係寵物到做。

我諗你依家最重要係令貓貓覺得佢依家好安全, 唔會再有人咁粗魯咁對佢。因為新環境一定會對貓貓做成一定程度嘰不安, 再加上佢之前係寵物店嘰經驗,佢唔驚至奇啦。佢夜晚不停咁叫係因為佢驚。我初初帶我隻貓返屋企嘰時候佢都係不停咁叫架, 我唯有比佢瞓係我心口到等佢覺得安全d, 之後佢就好靜好乖咁瞓著咗。如果你唔想咁嘰話你可以係你瞓嘰地方整張床或者放一d軟林林嘰野比佢瞓, 但係你一定要係佢隔離/附近。但係你咁做嘰話貓貓以後都一定要痴住你先瞓先覺得安全, 如果你唔準備比佢同你一齊瞓嘰話, 你唯有狠心一d, 夜晚唔好理佢叫得幾淒涼都好, 又得佢。咁佢就唔會要痴住你先肯瞓, 但係咁樣會影響你男朋友一段時間。

以上係我自己嘰經驗, 你諗吓邊個方法啱用啦

剛拾回家的貓
先沖涼後隔離
唔好帶去pet shop 沖涼
可以的話自己同貓貓剪指甲後自己同貓貓沖

最好隔離一個月(冇得見、冇得接觸才叫隔離)
唔可以比兩隻貓接觸
你唔知新貓有冇病
同新貓本身的細菌會否感染舊貓
貓的細菌好惡
好多時大貓感染後會肚疴不止
你服侍完貓B也要用消毒梘液洗手才可模舊貓
你穿過抱新貓的衣服也要小心
我試過因一時疏忽攪到 7 隻貓一齊病
D貓好返都有後遺症............

首先要比個籠貓住
個籠要三邊用布蓋好
留返前面籠口自由出入
籠外一邊放置水兜（要經常保持有水及清潔）
及糧兜（要經常保持有貓糧但不須太多）
貓砂盤要放在通風及貓兒能去得到的地方
多些同貓傾嘰及叫牠的名字
不要強抱或強捉貓
坐在一旁同牠說話
如貓貓容許的話可給手手貓嗅一嗅
如貓貓沒有發惡的話
可輕輕地掃貓的頭仔
重複多次做法慢慢來便可

唔俾你抱係正常呀, 因為佢一直o係外面, 你唔會想像到佢究竟俾人趕、俾人打過幾多次, 你係佢唯一信任ge人, 但就帶佢去個又陌生又有人打佢ge地方, 佢其實心入面對你產生左戒心lor。
你仲想放佢入籠, 係冇可能ga la, 佢只會更驚, 沖涼都係, 你都係同佢帶貓蝨帶or食藥算啦…
至於叫, 係因為佢仲驚嘛, 若果可以, 你不如留o係廳陪佢瞓啦(有沙發等瞓得ge地方ge話), 你順住佢d 毛毛用指甲輕輕r 下佢額頭, 佢會冷靜d, 因為lei種係貓媽媽錫bb ge方式, 因為貓舌有倒勾, 所以會刮刮地, 你輕輕力扮lei種觸感會幾好。甚至可以輕輕力搣下佢面仔, 因為貓貓中意對方, 間中都會輕力咬住人~
但其實你可以放心喇, 佢仲俾你掂, 仲會gugugu, 證明其實佢都仲好中意你, 只係唔慣, 去到新地方驚je, 過幾日就會好d, 仲有就係, 你同你男友一齊住, 平時佢得閒ge都要同隻貓貓打好關係呀, 例如負責裝貓糧啦, 摸下佢咁, 成間屋d 人都對佢好, 佢先會快d 融入ga。

不過真係想問就係, 又係邊間寵物店呀!? 我以為我以前做o個間已經夠衰! (<--我就辭職喇…) 投訴佢啦! 我唔想再有d 咁ge人掂到d 動物lor! 貓又係咁, 狗又係咁, 淨係當d 動物係貨品, 正衰人!

貓係唔鍾意俾人困入籠的,佢會覺得好無安全感.我每次o既做法就係,將水同糧,貓砂都放入厠所個地下度,等佢有需要o既時候就會入厠所,而且話晒厠所個空間點都大過個貓籠啦.你去厠所佢都唔會走出來的,話晒佢怕人嗎,佢見多你幾次就唔驚你啦.得你同佢係厠所入面,你可以同佢講下嘢,雖然佢唔識得聽你講乜嘢,但佢會感覺到你o既友善,慢慢就會接受你咖啦,時間唔會好耐的,到時你咪可以帶佢去做檢查囉.

最首要都是先帶貓貓去身體檢查, 打針+杜蝨(如有)+杜蟲, 流浪貓長期流落街頭, 身體會比較弱, 而且流浪貓疑心重, 對人有介心, 要慢慢才能適應!

貓貓剛到新環境, 沒有安全感就會叫, 這是很正常!

建議你:
(1) 耐心地引貓貓進寵物籠, 盡快帶牠到另一個獸醫作身體檢查, 打針+杜蝨(如有)+杜蟲
(2) 回家後暫養在籠裡, 讓牠心情平伏, 又可以讓牠觀察新環境
(3) 給牠玩具, 定時放牠出來走動和去大小便
(4) 沒有喵喵叫時, 給牠小食作獎勵

當貓貓習慣了新的生活模式和新環境後, 就不會再怕人, 有了安全感就不會再喵喵叫!

希望幫到你!

咁樣對佢....唔好話流浪貓
就算一般嬌生慣養既貓都驚

我諗依家你地唔好再理佢
等佢自己適應下先

你最好係屋企整個比較隱藏既地方, 俾佢覺得驚時可以hide
同埋將食物同水放係果度
俾一段時間佢適應呢個地方係安全既
到時佢先會出黎見人

我都有你呢個經歷
我執左隻貓返去養
要同好多耐性先令佢有安全感
even到左依家，有人突然按鐘我隻貓都會好驚哩埋

你一定要俾好多耐性
始終佢係街貓，一定經歷過好多不快事，俾人 / 貓 / 狗蝦過
尤其你第一日就帶佢去 grooming又俾人打
佢對人就更加唔信任
而且佢覺得你都係有份打佢既人

所以你要等一段時間，俾佢覺得你唔係打佢既人
呢段時間會係好長好長