我想問短毛猫買番屋企果陣要有d咩係要做...?

1. 貓廁所同貓沙 - 貓沙我建議用紙貓沙, 唔好用沙類嗰d。因為貓貓會經常舔自己個身清潔, 如果用沙類嘰貓沙貓貓會舔埋落肚, 會傷到佢d腸胃架。你可以係貓盤放張報紙墊底, 然後再用垃圾袋包住個貓廁所, 係兩個角縛個結, 然後先倒貓沙落去, 一來你清潔嘰時候方便d, 二來個貓廁所都會乾淨好多。

2. 要準備一個裝水同裝食物嘰兜比佢, 一定要分開兩個兜。因為要長期提供乾淨水比貓貓飲, 但係食物就建議你定時餵。

3. 梳 - 唔好以為短毛貓就唔駛同佢梳毛呀, 只係次數比長毛貓少好多。勤力嘰話一個禮拜一次, 唔係隔個禮拜都ok。佢應該有分比長毛同短毛用嘰梳, 你買嘰時候可以問吓店務員。

4. 交剪 - 要黎同貓貓剪指甲用嘰, 切記切記千其唔好剪到去粉紅色部份, 嗰d係貓貓嘰神經黎, 你剪到嗰到佢地會好痛, 重會流血架。你剪到佢d神經嘰話佢以後都唔會比你剪架喇。(除非你準備洗錢帶佢去寵物美容中心)

5. 沖涼液 - 可以買去毛球配方或防蚤配方 (我自己就買晒兩隻), 因為防蚤配方有藥性, 用得太多貓貓嘰皮膚會乾燥, 一乾燥佢就會成日抓(情況同我地皮膚乾燥相同, 但係我地有lotion搽)。唔好買嗰d動物香水/防嗅嘰噴霧, 因為呢d化學成份嘰產品有機會令貓貓皮膚敏感。

6. 洗耳仔水 - 貓貓通常都唔鐘意人地搞佢耳仔, 所以你同佢洗耳仔嘰時候一定會有困難。我用緊一隻牌子幾好, 美國造嘰, 我依家唔記得個名, 我遲d係到補充返比你。

7. 抓柱/版 - 呢樣野好重要。係比貓貓磨抓架, 你唔比野佢抓嘰話佢會搵其他野抓架。雖然就算你比抓柱/版佢, 佢都有可能會抓其他野, 但係機會起碼少d。如果真係咁不幸你屋企嘰傢俬比佢當抓柱/版咁用, 你可以買一支寵物禁區嘰噴霧(exactly咩名我唔係好清楚, 但係寵物店d人一定會知)。噴咗呢d之後貓貓就唔會接近呢d地方, 只係貓會噴到, 人係噴唔到嘰, 所以你可以放心。

8. 貓床 - 或者其他比較大佢可以成隻瞓晒上去嘰枕頭。如果你唔打算比佢同你一齊瞓嘰話你需要準備張"床"比佢。

大至上係咁多, 如果再諗到有其他嘰再補充。

2007-08-14 13:06:45 補充：
第二個問題: 打針 - 如果係領養嘰話通常佢地都會打咗第一支針, 我無記錯嘰話直至貓貓一歲大為至應該要打兩至3支針, 之後每一年打一支預防針。你可以選擇唔打, 但係我自己覺得貓貓一打開針嘰話唔同佢打, 第時有問題嘰時候可能會好嚴重。所以我依家都會每年帶我隻貓去打預防針。至於絶育問題, 貓貓6個月大已經可以做絶育手術, 唔好等太大先去做。第三個問題: 費用 - 呢個真係好難講, 要視乎貓貓健康狀況(健康狀況唔好就要經常睇醫生)、糧食質素(越天然嘰貓糧價錢越貴)...等等...

2007-08-15 22:45:39 補充：
隻洗耳仔水牌子叫OTIC CLEAN FOR DOGS & CATS 4fl. oz. (118 ml)

1.要買猫沙同埋猫盆,比佢去廁所用既,
要買兩個猫兜,一個係盛水, 一個係糧食,個兜要大過佢個頭...
猫梳(梳毛) , 洗ears水+洗眼水(清潔用)
猫袋(在乎你同唔同佢去街)
如果你唔同佢去美容,你重要買埋沖涼果D野比佢....

ps: 大致上,不過都要睇下你果隻係咩品種既猫...

2.如果佢係BB仔,要打3支針...
絕育最好係1OLD做....

3.保守估計5萬,
不過都要睇情況,
如:生病的次數,
你買唔買野比佢玩...