The Question About 男子監獄

1)男子入獄的程序係點
第一日
到左監房, 會先去"指模房"登記, 打手指模, 影相, 然後剝哂衫, 見醫生, 做健康檢查. 然後"通柜", 跟住領囚衣拖鞋, 再去儲起包頭 (即係你的衣服, 鞋蜜, 銀包等私人物件), 再等見監頭. 跟住去食晚飯, 然後番監倉發悶. 晚上10點半熄燈.
第二日
晨早六點起床, 跟住食早飯, 然後去"新人組"聽阿Sir講規例, 跟住俾阿Sir盤問有無黑底等. 中午食粥. 下午新人去摺信封 (即係政府用果d公文袋), 跟住去做運動, 然後五點食飯. 睇一陣電視就番倉發傻. 晚上10點半熄燈.
二星期後
除左會正式脫離新人組, 落期數 (即係被分配工作, 例如: 洗衫, 清潔, 木工, 打鉄, 釘裝等), 其他不變.


2)洗唔洗全身裸體做身體檢查
每個被法庭判處還柙懲教署扣留或監禁的犯人(扣留=未定罪, 監禁=已定罪), 在到達監獄時全部要由懲教署的醫官(未必一定係醫生)做直腸檢查, 俗稱 "通櫃". 方法係個犯人除左條褲扒低, 而個帶上手套的醫官會先插隻食指落d潤滑濟度, 再將手指插入犯人肛門內, 再屈起手指, 打個圈, 再抽番出黎, 睇下個犯有無將任何野收埋左係個肛門入面. 而女犯人就要通埋陰部. 做法同前述一樣. 通櫃目的是防止犯人將違禁品, 例如: 毒品, 利用體內收藏方法偷運入監房. 犯人亦要檢驗小便, 以測試犯人有否吸毒.犯人跟住會見正式醫生, 量高 / 度重 / 攞病歷, 及如果個犯話俾人打就會驗傷做紀錄.


3)一般成人監獄(特別係19-25age那些..)件囚衣會點?咩樣?? 衫褲鞋?
未定罪的扣押犯件夏天囚衣係灰色短袖中間扣鈕衫, 短褲, 加膠涼鞋. 冬天就同色長袖衫, 長褲, 多件長袖衛衣, 多對襪, 同多件風褸. 已定罪的犯人衣服一樣, 但就係啡色.


4)一般男童院件囚衣又會點??咩色??沙咀同一般男童院囚衣衫褲鞋一樣
一樣. 但沙咀就着深藍T恤長襪同軍佬靴.

5)一般男童院件Under咩色?
白色孖煙筒


6)入面既生活係點??通常有咩做?好苦過日子?!
早上6點半起床, 7點半早餐(倒屎咁早!!). 早餐會有一碟白飯, 餸就係一塊肉同菜(塊肉薄到風吹得走!), 跟住落期數工作(參閱(1)). 中午時(12.30pm)有一個包同一杯粥, 食完再落期數工作. 約4時就去 "行街", 即係出操場運動. 約5時去飯堂晚飯. 一人有一碟白飯, 餸就係魚同菜(條魚連貓都唔食!), 另有一個橙. 食完就留在飯堂睇TV. 約7時番倉. 番倉前會派宵夜, 即係一塊牛油麵包同一杯奶(奶粉沖的!). 番倉後自由在倉內睇書 / 下棋 / 聽收音機 / 寫信 / 吹水, 重有好多不法活動, 例如紋身 / 鑲珠 / 打麻雀 / 啤牌 / 打JJ (係呀! 在監獄內打JJ係犯咗 "自殘自體"!). 10點熄燈.

監獄而家好文明, 巳經完全唔似監獄風雲咁. 你唔好理人咁多, 唔去攪人, d人亦唔理你. 亦無人會強姦你, 踢你入黑社會. d人個個係度挨時間, 等出冊. 你唔寸寸貢, 佢地都唔想攪事. d阿Sir亦唔會打你. 佢地都係打份工, 唔想攪事.

總結來說, 監獄可用一個字形容: "悶". 日日見埋同一班人, 夜晚又一齊瞓. 無任何私人空間或時間. 唔舒服無人理, 日日掛住屋企人, 又無女人.......

7)How About 洗澡又會點?
在荔枝角就集體分時段每日洗一次. 在正式監獄大倉入面有花洒, 晚上回倉後可自選時間沖. 住單人倉就番倉前沖. 每年4至9月無熱水.

8)What is the life of 男童院?
無監獄咁嚴, 但以上堂讀書代替工作.

2007-08-18 15:47:23 補充：
成人監獄件Under都係白色孖煙筒