老公o既通話紀錄..

最憎d男人拍緊拖,結左婚都仲有第二個,
佢有前科你check佢真係錯不在你!反而佢成日要你疑神疑鬼,搞到你咁係佢唔好tim!
佢個底係花心真係好難搞...但你一定要比佢知咁係唔得,同比佢知你知道佢d野
同時間可以試下軟功,咁你地都結埋婚,仲先廿幾歲咁後生咁fresh,
你比佢享受下多d家庭樂,比佢知道你有幾好,咁佢都唔會為左第二個而放棄依個咁好ge家庭ga la~
"要留得住一個男人, 就要對佢好,等佢無左你唔得"依句野人教ge,但啱唔啱就個個人情況唔同la,但起碼我諗會好過你成日對佢發脾氣ge(雖然我都知佢咁,你會好難忍)

唔好比咁多空閒時間佢可以識第二個!加油~~~!我都明成日都要咁懷疑身邊果個係一件好辛苦ge事!!因為我都係!!仲要check完佢之後有罪惡感,明明係佢有前科先搞到我地要check佢~~!如果佢一向光明正大,點會check佢d野喎!

加油,支持你!!!

我覺得你check佢係冇問題,,
兩公婆結左婚生埋仔,,仲有d咩吾可以比對方知?
不過你又唔好迫得佢太緊..
試下平心靜氣同佢傾下...
如果佢真係有做既..
你愈對佢好..佢會產生愈多既內疚感...
到時佢就唔會對你咁衰架喇!

阿女. 我支持你. 睇你老公電話紀綠有乜問題. 錯在佢不在你.
私乜野隱.好明顯佢無尊重過你維繫呢段婚姻既努力

不過好明顯係呢個男人未玩夠. 睇下你仲有無耐性. 同要經過幾多苦楚佢先做番一個合格既丈夫. 你自己最清楚有無咁既需要去支撐下去.

不妨同佢講你知道佢D野. 不過佢一定死話無. 等佢知驚都好. 一個男人玩得再小心都一定有破綻。如果仲係咁... 你唯有自求多福了。

有乜事都好。一忍再忍不是好的方法。溝通後仲係一樣的話。你應該明白點做了。

加油　^^

既然你已經嫁左比佢,你就要試下信任佢,
如果你驚自己亂諗,就唔好check佢電話,你愈check就愈覺得可疑,
有時就算唔係,都會變左係,
你可以係佢講電話ge時間行開,唔好計住佢傾左幾耐,係咪成日傾,
知得愈多就諗得愈多,
感情好唔好,真係睇你個心,你心入面形住佢同第2個,對佢不免唔好,發晦氣,
你咁對佢,佢都唔會對返你好,
而家你地有左個仔,小朋友成長環境好重要,唔單止要完整ge家,仲要係溫馨安定ge家,
你地而家都係廿幾歲,大把人生要一齊過,而十2定就嘈嘈到幾時??
對你小朋友都唔好,
試下唔好諗佢係咪同第2個一齊,多d同佢傾偈,傾咩都好,唔好吵架,
2個人相處係要技巧ga,如果你係想同佢一齊ge,就要忍讓下,
或者多d傾下有關小朋友ge野,製造d話題,
多d時間一齊ge,無論食飯,睇電視,點都會多d話題,
相處容洽感情都好d,同埋結左婚都可以講浪漫,可以約下佢去街咁,
適當咁打扮下自己,等佢唔好覺得出面ge人好過你,但唔可以太過火,唔係就到佢認為你有外遇,只要保持容光換發,精精神神就好,
你地大家都咁後生,唔好為少事成日嘈,對大家都唔好,
年青人都鐘意行下街睇戲唱k,你地都可以做下,
保持dd新鮮感
唔好再check佢啦,比d信心佢,亦比d信心自己,
你有能力留住佢ga,比返d私隱佢啦,
你都唔想自己成日比人懷疑比人check住ka ma~
希望幫到你啦~

首先我覺得你有d唔岩.
每個人刀有私隱權.
你可以同佢開門見山好好坐低同佢講呢件事