玩具貴婦的剪法...10分

其實玩具貴婦狗大概會在八個月大果陣先會第一次出街剪裝架...
（所以我建議你咁早就帶你隻狗狗出去剪毛...）
要剪bear bear裝, 狗狗的底毛要夠厚夠濃夠鬈先至會剪得似熊仔...
就係因為你隻狗狗太細, 啲毛毛應該都唔會生得太濃密...就算俾你帶佢出去剪完bear bear裝返嚟, 你都會覺得唔啱你心水架...！

如果你想狗狗大個仔之後啲毛會鬈啲濃密啲的話...
就應該趁佢依家仲細就帶佢出去寵物美容店度剃一次毛呀...
（而剃的話就一定要連頭連身連腳連尾...一次過剃呀！唔好剃一啲唔剃一啲呀...）
雖然剃咗毛之後會有一段時間你可能會覺得隻狗無晒毛好醜樣, 但請你唔好介意, 因為幼犬的新陳代謝比較好, 好快就會生番晒出嚟架！係呢段時間, 我會建議你去寵物用品鋪頭度買一種叫做 " 爆毛粉 " 既嘢俾你隻狗狗食呀...
（因為此爆毛粉係適用於佢未夠一歲時用才能達到理想效果）...
食咗爆毛粉的狗狗...新生出嚟既底毛會多啲濃密啲架...
不過剃完之後...到佢生番晒ｄ新毛出嚟果陣...
你要多啲勤啲同佢梳多啲毛...（咁有助佢新生既毛靚啲密啲）！
咁到時你隻狗狗想點剪都得啦...
～去到美容舖頭同果ｄ人講：剪bear bear裝！　佢哋就會明架啦...～

***有一樣要問你：隻狗得三個月大, 佢打齊針未架？
　未打齊的話就一定唔可以帶佢出去剪毛呀, 因為佢哋仲細冇乜抵抗力, 好易感染到細菌...