請問如何理解作者的心情,態度,想法?

首先, 我認為正如你老師所說, 理解作者的心情等等, 是可以用上文下理去推斷

但無可否認, 有時要推斷作者的想法可能會比較難
因為文章既推理, 與數學既推理係非常唔同
數學既推理係絕對理性的,
數字之間既邏輯並唔會因為其他主觀因素而有唔同
但閱讀文章就唔同, 每句句子都會因為不同的時與地,
以及作者既身份, 背景, 性格而唔同

舉個例, 有個人說了句話, "我跑第一了"
如果呢句說話, 係由一個驕傲既人講, 你會覺得佢係炫耀
但如果係一個謙虛既人講, 你會覺得佢只係想分諍享佢既喜悅
可見了解作者既背景, 性格係好重要
所以, 閱讀理解有時都係頗主觀

當然, 你會問, 閱讀理解很多時候, 都唔會有作者既背景
而且可能連個作者名你都未曾聽過
再者, 如果篇篇文都咁主觀
根本唔會知個作者諗咩
但我相信難度咁高既文係唔會用黎考你地~!

=======================================================

"假設作者的想法只有一個,答不出這個答案便是錯,意思相近,我根本想不出這些意思,我便是錯的嗎?"

如果你想不出類似既意思, 的確可以話係錯
而想唔出當中既意思, 其實反映左你既語文水平未夠
唔好諗話覺得個作者得一個想法, 邊會諗倒?!

以上面這個例子來說, 其實作者既想法不難諗呢
問: 父親揹著嫲嫲,妻子揹著兒子的意思?

前半段, "父親揹著嫲嫲" 其實想講...
小時侯, 父親聽嫲嫲話, 大個之後, 嫲嫲聽父親話
其實想表達既意思都係, 小時候, 父母照顧, 養育孩子,
成長後, 我地要報答父母養育之恩, 表示孝順....之類

而後半 part, "妻子揹著兒子" 呢句可能難少少
其實係以宜家 "妻子背著兒子" 既情景,
比喻番從前 "嫲嫲亦曾經背著父親" 既情景
以前既嫲嫲, 好比今日既妻子;
以前既父親, 好比今日既兒子
呢個可以算係加強個情景既感染力

另外, 其實你唔一定要答 "反哺" 呢 d term, 事實上, 呢個 term 都好難答倒
只要你答倒接著既意思, 都會有分的
但如果想唔倒接近既意思, 的確會無分

所以, 我建議你要多 d 用自己代入去作者既角度去分析
佢今日揹嫲嫲, why?
佢揹嫲嫲, 貪得意嗎? 覺得唔係既話, 篩走佢, 再諗
佢揹嫲嫲, 因為嫲嫲行路不方便嗎? 個答案似似地既話....就循呢個方向諗
點解佢要揹呢? 佢可以唔揹架?!
因為佢孝順...... 咁推理下, 就可能諗倒架喇

另外你要睇多d 書呢
尤其係0個 d 有 "分析文章" 既書
睇多左人地點分析篇文
你自己會開始明白點解作者會咁講

即使唔睇書, 你都可以睇多 d 範文
呢個係用黎培養閱讀既興趣
有興趣既話, 一定事半功倍

最後, 你可以當分析文章係一個心理遊戲
咁可能會更有幫助~

希望以上既野可以幫倒下你~

我想父親'貝'著嫲嫲,妻子'貝'著兒子這個問題，可能是想表示要多關心自己的家人或親人．．朋友