✔ 最佳答案
根我所知電子琴一樣係睇五線譜喎。
你所講『簡譜好簡單，五線譜好聽好多。』
我諗係指伴奏問題，
電子琴同鋼琴o既伴奏彈法好唔同，
有o的較複雜o既鋼琴伴奏根本唔可以用電子琴黎彈，
所以我覺得如果你對電子琴有興趣，
何不一開始就學電子琴呢？
2007-08-11 00:44:30 補充：
如果你學樂器唔係為左考試，純粹係自己o既喜好，我建議你可以試下學數碼鋼琴，佢既可當鋼琴用，又有電子琴o既function，都幾好玩。但係如果要考鋼琴或者電子琴試，我就絕不贊成你用數碼鋼琴喇。
2007-08-11 00:59:00 補充：
其實用鋼琴譜彈電子琴唔係咁容易，一係份譜要好簡單，一係要自己改下份譜。如果太簡單，你一樣會覺得唔好聽，但係要改譜o既話，我諗最少都要學到5、6級鋼琴，識得keyboard harmony先得。不過咁做似乎唔係咁實際，所以學數碼鋼琴可能係一個較好o既選擇。
2007-08-11 01:37:04 補充：
88個鍵？你o個個係keyboard定係一座有兩層o個種電子琴？
2007-08-11 15:53:30 補充：
當然有關係，鋼琴譜伴奏部分多數係一o的broken chords，好多時音與音之間o既距離好遠，要靠pedal幫助先可以連埋o的音。如果係keyboard只要加一個sustain pedal已經可以解決呢個問題，但係如果係電子琴就冇得加sustain pedal，就算按左sustain掣幫助都唔大，而且電子琴雖然有兩層，但係有好多音都係重複左，亦即係音域距離好窄，有好多音都彈唔到。如果你指o既係keyboard，我覺得學完鋼琴隨時再自學keyboard都可以，因為keyboard對學鋼琴o既人黎講好易掌握。
2007-08-11 15:54:31 補充：
我自己係學鋼琴，但係o係某個原因之下要用電子琴(一座o個種)幫人伴奏達數年之久，我未學過正規o既電子琴課程，但係o係我自學電子琴期間，我發現如果要用鋼琴譜伴奏，絕大部份o既譜都係彈唔到，因為第一、o的音斷晒，除非自己改過o的音，或者自己配過晒個伴奏。第二、鋼琴譜好多時都用一o的好低o既音，電子琴o既音域太窄，好多時都彈唔到。至於睇譜方面，當然係睇五線譜好過睇簡譜啦，因為要學第2種樂器o既時候都容易o的。總括黎講，如果你想學o既係keyboard，我就覺得學鋼琴先再自學keyboard。如果你指o既係一座o既電子琴，就不如一心一意學電子琴啦。
2007-08-11 19:15:07 補充：
其實冇話要學幾耐鋼琴先可以彈到keyboard，因為彈到鋼琴就等如彈到keyboard，只係大、細聲同力度有o的唔同o者。至於要學幾耐鋼琴先可以睇熟五線譜，我諗學幾個月已經可以。不過如果你想一睇首歌就可以彈到出黎，呢樣野就真係要下苦功喇，而且每個人都唔同。有o的人有8級程度，但係要佢即刻睇譜彈首歌會覺得好困難，有o的人只有幾級，不過即場彈就完全難唔到佢。其實我諗好多彈keyboard o既人都係彈鋼琴出身，只要學識鋼琴，再自學或補幾堂課就已經可以好好掌握keyboard喇。
2007-08-11 20:12:28 補充：
我諗你有o的誤會喇，我話學幾個月鋼琴只係可以學識點睇譜，即係跟住個譜黎彈一o的好簡單o既歌，至於一o的grade 5 o既歌，當然有5級鋼琴先可以彈到啦，一般人都要學4、5年先有呢個程度。至於簡譜，當你掌握到五線譜之後，睇簡譜我諗一o的都唔難。
2007-08-11 21:00:00 補充：
自學鋼琴其實唔係好work，因為有時自己彈錯左都唔知。既然你唔係為左考試，可以試下o的『流行鋼琴班』，而家有好多琴行都有開呢o的班，仲標榜唔駛識彈琴，學完一個course之後就可以彈得出唔知幾多首流行曲呀咁。我未上過呢o的班，不過一個course都只係8或12堂，都可以一試。
2007-08-11 21:11:33 補充：
流行鋼琴班係用鋼琴，亦有一o的係用數碼鋼琴，教一o的簡單o既流行曲，我係tom lee都見過呢o的course，你可以上佢o既網頁睇下。
2007-08-11 21:19:57 補充：
點解我見到程度係沒有級別限制？
http://www.tomleemusic.com/TLM/standardpage/education/course_details.asp?course_id=46&lang=tc
2007-08-11 21:33:52 補充：
o..........未夠年齡...........呢樣就幫唔到你喇。你都係學左鋼琴先啦，因為我覺得識彈鋼琴就等如識彈keyboard同數碼鋼琴。學識彈鋼琴之後，只係需要學下keyboard同數碼鋼琴有o的咩function就得喇。
2007-08-11 21:47:10 補充：
其實你學keyboard o既時候，有冇同你個老師商量過用五線譜學呢？又或者你可以去琴行問下，睇下可唔可以搵個用五線譜教o既老師，將你o既要求講清楚，得o既咪好囉，唔得o既都冇所謂。其實我諗琴行大把老師可以用五線譜教，尤其一o的細琴行，彈性會大o的，大o既琴行就可能有好多限制喇。
2007-08-12 00:19:21 補充：
我覺得冇理由keyboard就一定係用簡譜，可能你上o既堂係一班人一齊上，為免麻煩佢先咁答你，所以去o的琴行仔單對單學，琴行為左要賺錢，答應係o既要求機會好高，況且要用五線譜之麻，琴行個個老師都得啦。
