Wii其實好多度地方有得賣,不過個人建議不要去秋葉原買,因為我的日本朋友跟我說秋原好多呃人野,所以咁遠去買部機都唔想佢咁易壞,因為無保養嘛,我自己多部遊戲機都係日本買,到而家都未壞過,不過若果您諗住玩[番簡]的話就不如係香港買喇,如買買正版game的話就可以去秋葉原買中古(二手)貨喇,冇咁新既game就會平好多。
其中兩間轉賣家電產品比較出名的就有Bic Camera同Sakuraya,佢地好多個地區都有分店,不過因為同地方都可能會有幾間店舖,不過每間店舖賣的都是不同的產品,如新宿就有4間sakuraya,但一間轉賣電視、另一間轉遊戲機 / 玩具、一間又轉賣電話……。所以check清楚地址好一點。而他們時不時都有discount,去碰碰運氣啦。另一間位於上野的Yamashiroya都會有,好多時新宿 / 池袋缺貨時佢都有。
他們的網頁係:
www.biccamera.com
www.sakuraya.co.jp
www.e-yamashiroya.com
每個人去日本都會有各自的心頭好啦,通常都離不開玩具精品、新潮服裝、日本名牌、遊戲機……。
10月過去都ok既,因為香港唔係旅遊旺季,而若果11月左右先過去仲可能有機會睇下紅葉添,但當然要睇天氣啦。但係就唔洗咁急訂機票住,因為可以睇下過左summer後航空公司會唔會出promotion,如果可以會係暑假尾至九月頭出。
依家好多國家都因為次按危機攪到好麻煩,個市都幾亂,可以睇定少少先"唱"啦,反正依家又唔係特別平。