pure maths定bio?

我就升中7,理科...有修pure
pure其實真係幾難...我覺得做pure最需要既係creativity同轉數快..
當中有好多變化...並唔係好似CE咁有既定o既規律..出黎出去都係個幾樣..
勤力,係咁做數固然重要....但真係要好清楚concept同點都要有少少天份
如果唔係就好易搞亂晒d野.....pure比a maths有更多式要記...
而且頭腦一定要好清晰....因為多式得黎又要係適當既situation用返個條岩既式..
又要確保自己係繁複既數列入面冇計錯數...但小心得濟又晒時間..


我本身好鍾意數學同埋過往大多老師都覺得我係讀maths既人...
但e+有時做一個比較難既ex.都要做幾個鐘...
有時仲要睇左solution都要再睇耐d先明甚至唔明點解要咁做....
pure真係難過a maths好多好多...唔係靠做得多就得..


其實我覺得越讀到高年級就越要睇自己興趣...
我諗你都應該清楚AL學既野係比CE深好多同多好多..
如果你對個科唔係咁有興趣但又要成日對住d難學難明既野,
咁樣係一件好辛苦既事...可能最後仲會搞到自己冇心讀..

就你自己所講..如果你本身對bio有興趣,再加上你係一個十分勤力既人..
我建議你讀bio....係你花好多時間去諗一條數個時可能你已經背左更多既bio..
同埋最重要都係諗清楚自己既能力...
我諗你都見過唔少o係低form個時成績好好但一到高form就趺晒落去既人..


不過以上始終都係我既個人意見..
你應該盡快搵相熟老師或者教緊pure/bio既老師再傾下...
佢地大概都清楚你既能力....同埋你可以叫佢地俾本書或者俾d example你睇下..

我讀預科果陣時係揀 Bio 的, 不過身邊都有不少朋友讀pure maths...
一般經驗係如果你讀預科果2年唔係突飛猛進的話, 都預番同一科會較會考低1-2個grade, 即係你bio會考拎B, a-level好有可能會拎c, 甚至d... 其實要keep住拎番同一個grade已經係好唔容易咖啦!

你想響bio 拎a or b, 除左要好熟syllabus同考試技巧之外, 仲要你平時好留意有關bio的journal 等等先才會考得好!! 所以你覺得考極都係差唔多係好正常的!!

至於pure maths, 普遍舊同學都跟得到wor... 而且佢地都係好勤力咁日計夜計! 慢慢考慮下啦!