我上個禮拜二晚買左架二手電單車，星期三及星期四晚都有用佢黎兜下風。之後因為怕唔熟路，將架電單車泊左o係一個政府公眾電單車位度幾日。呢個星期三中午，當我想去渣架車兜風的時候，發現架車左手面個倒得鏡成塊爛晒，達著車之後，入一波就死火，入空波、達車、入一波，循環做左幾次之後，就連空波都入唔到，好明顯壞鬼左。
架二手車係在熟人的車行買，而間車行開左幾廿幾年都冇轉過名，應該唔係黑店……就算係架車有事，都唔會無啦啦爛左塊倒後鏡架……黑店都唔會賣架車俾人地，十日都唔夠就阻唔到啦……
請問：
１）到底因乜野事我架電單車塊左邊的倒後鏡會爛左架？
２）我使唔使去報警呀？
３）架車達唔著，點算好？使咪要搵人拖走佢呢？
４）點樣可以預防泊在公眾電單車停車位的電單車，唔好俾人地再整爛呢？
請電單車高手教路：泊公眾車位時被毀，點算及點預防？
2007-08-11 3:49 am
回答 (3)
2007-08-11 5:27 am
✔ 最佳答案
1.其實電單車倒後鏡爛時常發生，由其係早期既大包圍，我都不知爛左幾多塊，最後咪轉左可以屈埋嗰啲倒後鏡囉，車款既倒後鏡特別左右突出，好容易會比其它人攞車時撞爛，啲人攞車唔會顧你架車架，好自私，呢樣係真架！2.報警無用架，又唔係尋仇，係意外！唯有下次小心啲咋！
3.你架係咩車﹖有無腳達﹖如果無腳達，亦可以自己試，直路扶住架車跑住達車，如果都係攪唔掂，而你又搵唔到朋友幫你既，梗係拖車啦，拖去車房驗一驗，睇下電池有無問題，無可能放一星期就達唔著！
4.想唔比人整爛，只可以放私人停車場，隔離左右都係嗰幾架，如果架車有咩事，實係隔左右整到你，所以大家起碼會小心啲，而公眾停車傷，啲人都無人性，零件偷得就偷，阻到少少就整花你架車，泊唔到位就起你腳架搬開你架車，真係咩人都有！呢啲情況我比人攪唔少！
2007-08-11 16:00:46 補充：
5.如果係咁，好難話到比你聽係咩事喎，你架車係比人整推跌落地，有可能跌爛零件！一定要搵人check！順便無洗埋個(咭bid打)同音字！因為個(咭bid打)同音字！唔乾淨都會達唔到車架！6.7,及8. 裝大架梗好啦，不過我真係唔知幾錢，呢樣幫唔到你。車身輕，人地就會蝦你，就算有大架，以男人既力都好輕易起你大架搬開，但你架車算唔算話好重，如果得側架，無車笠，要搬你架車真係話咁易！所要如果你架車款可以裝到大架，一定要裝，再落車笠，前後連笠鎖車軚，咁就難搬好多！車笠其實好有用，可防止其它人為搬開你車，而坐上你車度亂攪一通！落左車笠又鎖軚，除非佢好大力，或有人幫手！前後咁搬囉！
2007-08-12 6:33 am
^_^
2007-08-11 4:24 am
1）到底因乜野事我架電單車塊左邊的倒後鏡會爛左架？
比人打爛
3）架車達唔著，點算好？使咪要搵人拖走佢呢？
一定要拖走,如果唔拖走就冇左一個車位
4）點樣可以預防泊在公眾電單車停車位的電單車，唔好俾人地再整爛呢？
放佢在c人停車場
比人打爛
3）架車達唔著，點算好？使咪要搵人拖走佢呢？
一定要拖走,如果唔拖走就冇左一個車位
4）點樣可以預防泊在公眾電單車停車位的電單車，唔好俾人地再整爛呢？
放佢在c人停車場
參考: me
收錄日期: 2021-04-15 19:37:50
原文連結 [永久失效]:
https://hk.answers.yahoo.com/question/index?qid=20070810000051KK04926