我隻狗唔知佢做咩成日好似痴左線咁跑黎跑去?

我隻狗狗都係咁既情況,通常都係發脾氣既時候,就博晒老命係間屋入面衝黎衝去(正如你所講某處跑到某處,循環好幾次.)
而過於興奮都會有以上情況.
起初我都而為我隻狗係咪癡左線,但問過其他狗友,佢地d狗狗都係咁,(尤其係貴婦狗)我隻又係咁.
唔使擔心,無事既!佢發洩下d精力同情緒者.

我隻狗都經常有類似情況出現架.佢跑個陣重跑得好快同好急添.其實佢多數係精力太旺盛啦,留嚮屋企無野做又覺得悶,咪通屋跑囉. 佢都係想宣洩吓情緒,咪又得佢囉,無野既. 不過如果你唔想佢通屋跑,咪多d同佢落街俾佢跑吓囉.
不過順便提醒大家,最好要留意吓家俬既擺設,唔好放太多雜物嚮地下到.如果唔覺意撞倒或整到d手手腳腳就手尾長啦.佢哋睇一次醫生都夠我哋睇兩三次啦,都係小心為妙!

你可以試下去你去開既寵物用品店問下有冇一d可以令狗狗穩定情緒既食品or藥...
早排我隻狗狗又係好似痴左線咁...
成日吠...又成日無啦啦對我地發惡...
跟住我bf問左我地去開果間寵物店既老細...
佢就介紹左一隻o者喱俾我地...
佢話狗狗食左情緒會穩定d...
跟住佢話如果再唔得就要食藥...
之後狗狗食完d o者喱之後都仲有少少情緒唔穩定...
跟住就去買左樽藥俾佢食...
食左一排已經好好多...
同埋果隻藥唔同一般既藥...
只要當零食俾佢食就得架喇...
每日一粒...
你可以去寵物用品店問下...
建議你去你去開既寵物店買or一d大型d既寵物店買