九龍新法書院係唔係真係好多壞學生，我即將在9月係個度讀中六，所以好擔心，仲有係個度可唔可以訂飯食。

新法書院冇出面所講咁差架~ 仲不知幾嚴呀!!
反而隔離學校就真係好多飛仔啦~ 又食煙又打交, 日日大把人遲到, d學生掛哂出黎俾人見到~ (不過為左厚道, 唔開校名啦~) 因為兩間學校太近, 其他人唔知, 咪以為又係新法學生攪事囉~
而且高年級同低年級唔同架~ 高年級d學校乖好多~
因為好多都係外校生, 搵唔到學校果d轉入去讀新法的, 根本就係兩個世界~ 唔同年級唔同層數架~
新法書院係 Band 2~ 中六收十二三分的同學最多~(當然, 都有d更高or 更低分的) 新法係跟成績分班的, 如果你有14~16分, 一定會係好班, d同學差極有限 (至少唔會令d同學上唔到堂果種~ 你有你讀書, 佢地有佢地靜靜玩就ok 了~ 唔駛擔心~)
而且校舍設施非常好~ 全校冷氣開放 (包括走廊都有的)~ 我畢業果年已經有好多課室裝修緊~ 依家d設施又新又靚~ 你可以去新法書院的網頁睇下~
http://www.nmc.edu.h k/
入U 率就唔知~ (因為全級大大話話有二三百人, 一定會拉低左~ 有時出面的津校得廿幾三十人都唔係 100% 入 U 啦~ 希望你明白~)
但我可以同你保證, 你有心讀就一定升到 U~ 我都知有d同學入到 HKU & 其他 U~ 我自己都係大學畢業~ 唔係呃你~ 俾心機讀啦~ d老師唔錯的~ 好俾心機教架~ 仲好過我當年係 Band 1 的老師~
P.s. 如心果句, 不論你讀津校 or 私校, 都係靠自己 or 出面的補習架啦~ 除非係好叻果d band 1 人, 否則有幾個真係靠哂學校就讀到書架~ 咪又係出去補習or 問同學借補習社的 notes?

訂飯問題我答唔到你, 因為我畢左業都有幾年啦~ sorry~
至於其他問題, 你可以直接打電話去問新法~ 希望幫到你~

新法宜家改好左好多.
以前壞學生多d.
話係人地學校打架..比人誤會左係我地學校
我睇就未必.
我自己都見過啦. ( 自己學校 )
不過都係3年多前既事喇.
呢幾年d中一生唔單止唔壞.
仲有d kai tim~
中六幾好. 不過有一個問題. 新法就黎執.
d 老師紛紛走. ( 中六都唔例外 )
師資差過以前dd.

可以訂飯同出去食.
出去食有一個鐘左右.
地下有canteen.

0個間校風麻麻地
但聽人講中六, 中七的學生冇野的,唔會好壞
唔駛太擔心 (低年級就壞0的)
因為佢地入得去都係想繼續讀上去的

不過間學校最唔好就係咩都講錢囉
咩都要你俾錢

另外訂飯的問題唔太清楚, 但我0的fd係0個度讀, 佢地都係出去食多

九龍新法書院係真係好多壞學生