私人買賣汽車手續一問?

1.)我估你私人賣車, 應該新舊車主都會一齊去運輸署la, 咁錢銀交收呢d就要睇番你哋點傾la, 但我會建議先收訂金再去過戶, 過咗戶後交車, 尾數一係就錢行轉賬, 一係就收本票, 我個人吾建議收現金or支票, 由其是你咁大數目,

2.) 運輸署手續, 新舊車主一齊去la, 帶齊牌薄 (舊車主記得係牌薄度簽名呀), 行車証 (架車有牌費一定要帶呀, 留牌用, 如果真係吾記得帶, 比多$60補領行車証la), 留牌form(舊車主填及簽名), 過戶form, 新車主臨時保險 (除非架車無牌費, 而又吾會買牌費住, 吾係一定要有), 牌費form (如需買牌費,新車主簽名) , 驗車紙(如果架車係要驗咗車先買到牌費, 而又要買牌費的話), 最後比錢可以用現金, 支票 及 EPS (我建議用呢個, 吾係最少要多等15min, 最長我試過等咗45min)

金鐘運輸署請去 9,10號counter(我無記錯應該係),
長沙灣請去 4,5號counter,
可以一次過做晒你要做既嘢, 最好吾好星期一及五去做, 另外最好早上去, 通常無咁多人

你有牌簿同身份證就得架喇,但係留牌(好似)可以keep一年,佢會有張留牌紙比你.
如果你係賣比車行仲簡單, 咩都佢幫係做晒.