有無人係東區醫院生b b 呢?? d 姑娘同醫生 好唔好呢 ? 在東區生走路袋要帶些甚麼？

東區醫院比較新, 服務也不錯.
http://www.nethersole.org.hk/chi/service02.html

但凡是公立醫院都不會perfect, 但他們大部份都很友善, 連在瑪嘉烈做了十年的兒科護士都話東區的服務好, 是因為她新建 (只有14年歷史), 人事不會太複雜.
我的大女兒去年出世, 及將出世的bb 都會在東區, 一是我們住在東區, 二是我先生住東區已超過十年, 一家人大小事出入東區好多次, 認為她們的設施好, 專業.

至於你話診症等輪候問題, 同政府政策有關, 唔怪得哂東區,

整體而言, 大部份醫生及護士都很有禮貌及耐性。


走佬袋唔使太多, 主要在家預備bb 嘢最緊要,因為就算剖腹生產通常都5日4夜可出院:

BB
內衣二件 (和尚袍) 醫院唔會同bb換內衣, 只會換醫院的bb外衣 - 交給護士
羊毛衣二件 ( 醫院bb 房幾凍, 加上初生兒體弱, 必備) - 交給護士
大毛巾/包被一件 - 交給護士
手套/襪/帽
尿片一包 (初生) - 交給護士
濕女紙巾一盒 (換片用) - 交給護士
白色面紙一盒 - 交給護士
出院衫

媽咪
入院紙 / 咭 / 身份証等
暖杯
毛巾牙刷等日用品
基本保養護膚品
產婦衞生巾二包 起碼 (不黏貼) 因為方便醫護為你更換 - 交給護士
防水床墊 (記住每日自己更換, 冇人同你做) - 交給護士
網內褲一包 - 交給護士
水泡 (如自然分娩)
面紙一盒
卷厠紙二卷
鎖 - 如有重要隨身物
小量餅乾 (六時晚餐, 會有餐包及飲品派發做宵夜)
毛巾, 膠手套 (如餵母乳前按摩, 防止水溫太熱)
出院衫

如果有人同你去, 最緊要帶相機, 因為要捕捉bb第一個靚樣

http://www.wyethbb.com.hk/tc/an/labor/an-labor-01.html

我兩個B 都係東區生的, 我覺得醫生姑娘都很好, 最好的就是她們會好照顧媽媽, 因為聽其他媽媽分享, 她們生咗可落床之後, BB 都是跟著媽媽, 連晚上睡覺時, BB都要在媽媽身邊, 有時BB哭出來, 會影響隔離床的媽媽, 甚至傳染其他BB一起哭呢!! 但東區的做法剛相反, 除了探病時間外, BB 都留在BB 房, 到要飲奶時, 姑娘會叫你到BB 房喂, BB 飲飽奶之後, 檢查是否要換尿片, 之後就可以返回床休息, 我自己生完, 休息8個小時之後才下床到BB房看BB, 那時當然想多抱多看他, 但姑娘跟我說: "你自己剛生完, 要多多休息, 在醫院這幾天, 我們會好好照顧BB的." 這樣說, 所以我很推薦這醫院!