✔ 最佳答案
我六月份帶我個寶貝去過, 但唔係去做手術, 係做身體檢查, blood test同打預防針.
佢同普通診所最大0既分別係, 佢哋係非牟利機構, 只會收番收本價, 所以做手術同驗身, 會平出面0既診所平好多. 以我個寶貝為例, 上年帶佢去大埔安健做同樣0既嘢, 兩者相比, 非牟利平4-5成.
非牟利動物診所開咗一年左右, 所以璄境同設備都好新淨.
其實絕育手術係最普遍0既手術, 啲獸醫幾乎日日做咁滯, 可以話係駕輕就熟, 好少會出意外, 唔駛咁擔心. 我上次帶我個寶貝去睇嗰陣, 同其中一個狗主傾過, 佢隻狗狗喺非牟利做咗割膽石手術, 佢話佢隻狗狗康復都好快喎. 所以我認為, 個醫生的醫術應該唔錯.
2007-08-11 10:07:08 補充:
佢哋好似只會喺星期三至五上晝0既時間做手術, 而且因為價錢平(大約係市價0既一半), 所以好多人book, 要排3-4星期架! 建議你最好上晝九點後立即打去book位, 我有個網友話佢只係遲咗少少打電話(上晝09:30左右), 嗰個禮拜就已經full booking啦! 非牟利的地址係 : 太子基隆街24號地下, 電話係 : 2393 2395.