我地兩個夾埋人工有三萬四度，而流動資金唔多，想問下大家以下方案可行嗎？
我地想買西環樓，咁個邊新d既樓三四百呎大約百三四萬度。
中銀推出左個九成半按揭，仲話可以延期還本，最多可以頭三年只還息不還本。
咁如果我買十年樓齡，按9成半，另外個半成我問銀行私人借貸，大約借二十萬，係頭三年分期還，之後先開始還9成半個按揭，這樣可行嗎？
我知係有d心急，但係西環個邊升得好快，怕幾年後儲到首期個價又升左好多，麻煩大家幫我諗諗，謝謝﹗
更新1:
好多謝大家既意見。其實我同女友都拍咗10年拖，覺得係時候想要個安樂窩，而一直都有留意西環個樓巿，所以咁心急。 可能我比既資料唔夠多，sorry呀﹗
更新2:
其實我哋有搵過地產經紀睇樓，聚賢逸居2000年樓，409呎，145萬。翠荷苑1995年樓，449呎，133萬。呢兩層樓，年頭到而家都升左成十萬。我地都有睇財經版個d，好多人都話股市會跌，但我地兩個都冇買股票，淨係做左儲蓄保險，三年後大約可以拎到20萬到。而買咗間樓係諗住長住，冇乜野都唔會賣。 亦計過私貸加按揭，頭三年每月供42%總收入，三年後佔23.47%總收入。供20年樓既話全期利息係70萬(包埋私貸)。 如果過多三年先買，做九成按揭，就算樓價唔升，供20年樓利息都要64萬，所以係到籌算緊...