前途一問 ( 大學生or 在職人士請入 )

其實你有咁既孝心, 做父母已經感到安慰喇
雖然父母都希望子女出人頭地, 但係更重要係子女品格好
有好多人讀書多, 賺好多錢, 但係冇品, 唔孝順父母, 父母都唔會開心

做醫生唔係唔好, 但我可以話你聽, 假設你做到醫生, 而你父母仍然健在,
你為左返工, 有幾多時間陪父母呢?
岩岩2006年大學畢業生薪酬統計, 最高既係港大畢業既醫生, 年薪過百萬
係咪好羨慕呢? 但係你知唔知佢點賺咁多錢?
新聞話佢係返幾間連鎖診所睇症, 一個星期返70-80個鐘, 唔放假, 人工加埋花紅過百萬
你話如果你每星期返足七日, 每日最少做10個鐘, 對住咁多病人, 你身體有幾健康?

做得醫生都係會好忙~其實好諷刺架, 你諗下, 醫生叫人點注意身體健康, 但係為左工作, 搞到自己好難身體健康架, 唔好信'妙手仁心'個d醫生咁得閒成日落酒吧=.=
唔係話做醫生唔好, 只不過做醫生有好大代價:
1. 讀醫要好多錢
2. 同家人見面時間少
3. 少休息加上醫院/診所多病菌, 影響身體健康

如果要講月入高既工, 都係律師, 商科, 當然商科3年可以畢業, 律師遲d大學改制要讀5年
如果講比較近醫療性質既, 你可以選擇
1. 港大言語治療系(4年), 畢業就已經係執業言語治療師
2. 港大, 中大藥劑(唔係咁清楚幾年)
3. 理大物理治療系, 職業治療系(3年), 畢業就已經係執業物理治療/職業治療師
4. 理大視光系(4年), 畢業可以執業
5. 理大放射治療系(冇記錯都係4年, 畢業可以執業)
6. 港大, 中大, 理大護理系(4年), 但係讀完應該要再實習做護士
7. 中醫(除左浸大, 中大唔清楚仲有冇其他大學有, 4年), 係咪畢左業就可以執業就唔知
8. 港大牙科(5年), 畢業可以執業

以上既選擇(1-8)都可以有專業資格, 大部分一畢業就可以執業, 因為讀書期間已經有大量時間到醫院/診所實習, 出到黎實有人請, 因為本港醫療人手都一直缺乏, 人工視乎讀咩科而定
中醫唔知, 其餘以我所知3,4月入起薪點最少過萬, 牙醫2萬幾

2007-08-10 04:47:23 補充：
而家中三開始努力讀書當然冇問題但係唔好諗住讀好phy chem bio就算中英文成績都要好祝你搵到自己前路同埋有部分科目(以我所知醫科, 物理治療, 牙科)係要劏屍, 你唔好驚血同驚死人, 如果唔係成績好但係克服唔到驚就讀唔到

2007-08-11 03:24:56 補充：
大學商科其實你中學不論修文理商都好, 一樣可以讀佢都係從頭教起既, 只不過中學有修商科/文商科, 大學讀商科會容易明d不過你諗清楚想大學讀咩類型科揀文商唔可以讀醫療類型科目

2007-08-17 02:40:18 補充：
我識有個女仔今年讀港大護理系二年級, 佢話讀完4年就可以做護士喎

其實好少科可以讀三年就係professional

我有兩個建議,

一係pharmacy, 一係商科,

兩科都可以話讀完三年之後搵到唔錯既人工,

但當然, 入pharmacy 要有好好既CE 同AL 成績,

而商科就要係大學入面考得好好, 咁D 大工司呀i bank 呀果d 先會請你

form 3 開始讀, 梗係得啦

響香港，如果你真係想搵多ｄ錢，唯一就係讀商科；不過唔係中五出來讀那種，而係讀完AL，響大學入面讀果ｄ會計呀、精算、經濟，財經學士學位等等；一畢業就唔休搵唔到野做，而且好多時月入過萬（不過記住一定要讀名牌大學喎）～

讀醫唔係唔好，不過時間太長喇，如果本身冇足夠嘅儲備，最好就係暫時放棄理想，接受現實最緊要。

目前來講，就係努力考好讀好目前嘅書，尤其係語文科目，無論第日出來做野定係讀書，呢兩科都係好緊要的；

最後祝你認認真真努力讀書。