在小提琴的弓上搽松香有什麼作用？

ka ching

2007-08-10 9:44 am

松香係塗抹弓毛上。如果你個松香係新既(即係表面好滑)，咁你要俾耐性來回係弓毛上擦多一陣，直至出現白粉為止。塗松香係弓毛上時切記唔好過量，即係整到弓毛白到好似雪咁，就已經太多喇。只要你塗松香時塗到弓毛呈白而帶淡淡既黃就已經足夠，太多既話影響音色之餘，拉既時候會整到琴身白晒，有排清潔。順帶講埋，松香既作用係增加弓毛既摩擦力，令到弓毛接觸琴絃時候容易發聲。所以，之後當你拉琴時發現就算你出力拉都係冇乜聲，即代表你支弓唔夠松香，依個時候先要塗松香，而並唔係次次都要用。