動物之森既人物點換髮型?

如果想換髮型，你首先要令間商店擴建成百貨公司先得。因為間髮型屋係百貨公司入面。
你周 Tom交易多ｄ(最快既方法係賣蘿蔔俾佢)，而且要請朋友黎你條村買野。到交易到一定金額，Tom會休息一日擴建。要擴建3-4次先會成為百貨公司。

當佢擴建成百貨公司之後，間店會有兩層，地下o個層你會見到有間髮型屋，入面有隻貴婦狗，你同佢講要剪頭髮就得架啦。每次要3,000bells，隻狗會問你一堆問題，之後就會幫你整頭髮。

至於連線，你要去城門口同右面既狗講。你可以選擇去人地條村，或者邀請人地黎你條村。連線都有2種方法，如果你同朋友面對面既，你可以用DS TO DS黎連線，即係直接用紅外線黎連線。

另外一種方法，你可以用WI-FI黎連線。用呢個方法就可以同世界各地既人連線玩。不過你要有對方既FRIEND CODE先可以。

至於連線後會去佐邊，就要睇你係邀請人黎，定係去人地條村啦。不過，要大家同係同 version先可以連線。即係美版只可以同美版連線，日版只可以同日版連。

唔該曬你呀!!!