我想問下大家AL揀科既意見

我2003年讀過AS電腦. 如果syllabus不變, 呢科主要學Word、Excel、Powerpoint、SQL、圖像、互聯網, 以及電腦相關的知識(例如: computer system, input, process, output, 通訊, 電腦保安等). Excel同Powerpoint要背command, 考試唔會比個appendix你話SQL同Excel有咩command. 背既時候當然要知點用.
Word、Excel、Powerpoint, SQL會學得較實用, 但其他主要學理論. 考試就主要考case study. 佢會比唔同情況你, 然後根據問題作答. (例如: 問兩者下載同一個file, 一個有中毒, 一個無中毒, 原因何在?) 所以除讀書外, 你要將學過既野轉化成應用層面係好重要. 考試亦未必會出書入面既野, 例如有一年問open source, 我讀個本書, 甚至老師notes都無講. 平時要多邊用電腦邊學習, 得間睇下電腦雜誌 (個D教人點影相、點揀靚機、女多過真係教電腦既唔好買).
會考無讀電腦唔係問題, 在乎你有無興趣同能力讀. 我會考無讀過電腦, 2005年考CA都有C. 每個人對難唔難定義不同. 如果你對電腦的應用層面興趣不大(不要以為你只喜歡上網就對電腦有興趣), 建議你讀其他科.
AS電腦係會學Excel, 有D會計師樓會用Excel做會計, 所以讀CS會有幫助. 不過如果你大學讀會計, 大學會教你電用電腦做會計. 出面亦都有course教電腦會計.
至於讀唔讀地理方面, 你最好問下讀過高考地理既師姐, 問下佢地讀地理要求、難易度、內容等. 因為地理係AL科, 你程度好好, 而且對該科有興趣先好讀3AL, 以免你因為讀某一科而拖累其他科進度. 你每科考得好, 總好過你讀得多, 但每科只係半桶水. 傳理系收生成績算係高. 三間於大學聯招提供傳理的大學中, 傳理算係收生成績高既學系. 中大及港大傳理/新聞係上年收生成績十大最高收生成績課程之一. 浸大傳理係全校收生成績最高. 傳理好著重語文成績, 港大會對兩科高補語文考獲C或以上者加分, 浸大要求兩科高補語文考獲D或以上. 中大和浸大會將語文科成績計重.
所以最重要係選擇你有能力、有興趣讀既組合. 唔好因為貪計分多, 但自己無能力讀就讀多幾科.
大學各系收生成績可看http://www.jupas.edu.hk/.

2007-08-10 20:32:58 補充：
更正: 要背command的是SQL, 不是Powerpoint.唔好因為貪計分多, 但自己無能力讀就讀多幾科→唔好只係因為貪計分多(但自己無興趣及能力)就盲目讀多幾科.

以下兩個問題，我想可以幫到你，

1) 你現多少個AL及AS，足不足夠你升大學？
2) 你在預科需要修那機科，你心怡的大學科目才會收你？