唔知點解!

我係男人，自己可以話係個有自信之人，認識的朋友之中也不少好有自信之人。不過追女仔的出發點，唔可因為個人有自信就一句講晒。

大多數人，無論係極有自信之人定係電車男，在世上最有興趣的題目，始終都係自己；咁，其實男女都係咁。此是第一個因素。
人如果事事太順利，無論係因為自己聰明、定係因為因為自己個樣生得靚，會好唔慣挫折。此是第二個因素。
人睇人好，其實個個人都自己知自己事，知道自己的缺點好多好多。有ｄ人，會思疑其實係咪已經有人知道左喱ｄ缺點。此是第三個因素。
有一種人之所以成為所謂的成功人仕，就係因為不輕易放棄。此是第四個因素。
又有一種無聊人，鍾意講人點點點。幾條友埋堆，就係搵個人黎恥笑。俾人笑，點去反應，要睇個人。此是第五個因素。
以上的幾個因素，配合起黎，已經變化萬千。
例如因素一，可能只係個「係又 up 唔係又 up」的人，你聽佢聽到冇晒癮，不過佢都收唔到，因為佢對自己太有興趣，其它的，乜都唔多覺。
例如因素二，可能就只係因為一個好唔慣的挫折感，你越唔埋佢，佢就係咁不停咁「進攻」。佢想解決的，只不過係自己心中的挫折感。到某日博得你一笑，佢可能心理都仲未平衡到，仲想要多ｄ，如是冇停。
例如因素三，可能就因為有人唔理佢，佢覺得可能你睇到ｄ佢既缺點，佢想同你再打聽一下，到底你知ｄ乜，同時又希望，俾你睇下佢自己以為係既優點，可以改變你對佢既睇法。
例如因素四，可能就係因為「不輕易放棄」已經係生活習慣，所以你唔理佢，佢就係都要將你當係一個問題黎解決。
例如因素五，如果有人唔俾得人笑，冇量度、又冇計仔可以講得甩唔俾朋友笑，就會因為朋友幾句說話而追女仔。
再如果上面的因素互相配搭一下，例如二加一，就係一方面要解決心中的挫折感（因素二），同時又只係睇到自己講得性起，睇唔到人地悶親（因素一）。咁配搭落去，就真係可以係好多種人生百態。
而且，又點止得五個因素呢。有ｄ人就係鍾意你個樣靚，有ｄ人可能迷信，認為今年會行乜乜蜜運，講唔晒。
我就覺得，以自己的出發點做事，係人之常情，咁做人係在所難免。不過一個人是否成熟，就係睇可唔可以得到個平衡，即係可以為人又為自己、你開心時我又開心。咁追女仔就會好ｄ。
如果條友係 100% 為自己追你，追到你，你仲有排捱。

有點男人係,有點男人吾係
如果真係好想得到果個女仔,兒用左吾好的手段or太煩就會令到人覺得好反感,如果見面後, 女仔一樣對佢唔緊唔要都吾會係侮辱或傷佢自尊,不過如果係男女朋友關係,就吾係幾好lo

我公司都有呢種人，你越避佢，佢越要你認同佢，從而表現自己，覺得咁係好威，以為全公司既人同佢都好好關系，其實個個都賣佢怕，呢種人通常都精神有問題，請少心處理，唔係好似我公司果件痴線低B佬四圍攪人就唔好啦~~