大家比d意見吧.做得arm嗎我?我係體諒緊我男友定就緊佢呢..

家庭及人際關係其他 - 家庭及人際關係

思思

2007-08-09 9:27 pm

我通常會問我男友.你下個星期幾時打波食飯呀
假設佢話一二六日打波食飯..咁我就係一二六日尼幾日約朋友或陪家人
咁三四五就有機會陪我..
我咁做arm嗎?
但有朋友同我講..話我咁唔得..我男友好自私..我唔應該去用佢既時間表約我既朋友..我應該鐘意邊日就邊.日..
唔係佢話幾時搵我我就要出現
但係其實我既做法唔好咩..一來可以陪朋友..二來咁如果佢果日唔洗打波而我約左人..咁咪唔可以見囉..浪費左一日咁..朋友話..唔可以成日比佢想搵你你就出現架..變左好似鳳旨咁..大家比d意見丫..thx...男女都得架...多多都接受...

更新1:

其實我個point係..如果我係佢打波唔陪我果幾日去約人..咁我又唔怕冇人陪..咁佢唔洗打波既時候佢就可以陪我..咁唔係用得好好咩d時間?如果我係佢可以陪我既日子去約其它人.咁咪浪費左一日我地見面既日子..又浪費了佢打波時我多出的空閒嗎? 我想知我咁諗..arm唔arm... 咁做男仔同女仔有咩唔同既見解呢?佢唔會big我陪佢.架...佢都有叫我去搵下朋友仔架..係我想好好咁用d時間..

回答 (5)

Ling

2007-08-09 9:37 pm

✔ 最佳答案

其實我覺得你無乜問題, 只少你唔覺得有問題, 甚至係唔錯, 對嗎?
你朋友可能覺得男朋友應該以自己為中心, 但咁佢未一樣好自私
無話鐘意邊日就邊日
其實, 好簡單, 我覺得你地可以自由約人, 因為約朋友有時都唔容易, 唔係話約就約到, 時間撞左, 咁就男朋友, 女朋友都要互相迁就啦

我自己都會係咁, 我同男朋友, 大家會自由約人, 佢知我有時約左人地, 佢就會搵d friend 或者留係家中做自己野,
不過, 最重要係, 你男朋友係唔係一定要你迁就佢個時間, 而你同佢撞左時間, 佢就要你放棄朋友或家人而去陪佢先? 如果唔係, 我就覺得無乜問題

記住, 相處係2個人的事, 大家要講, 要迁就, 及顧及自己的感受, 旁人點樣睇, 有時都未必合你的想法或要求

👍 0 👎 0

iambad00

2007-08-10 2:29 am

我覺得你咁做幾好呀！你唔係就佢，你係尊重佢啫，總之你哋大家有共識又覺得舒服就得啦！唔係個個女仔拍拖都好似野人咁ga ma~

👍 0 👎 0

小天使

2007-08-09 9:56 pm

其實你都無錯啊!你這樣的安排都沒什麼.你的朋友會覺我你太過遷就他吧.對嗎???我覺得兩人相處係要信任/體諒/遷就及了解的.兩人相處不要去計較誰附出多及小.明白嗎???同埋兩人都應該有自己的私人空間.如你想2,4,6陪他,你可以提出你的意見.而互相去遷就吧!!!!又可以同他講我陪你去打波嗱...其實把口係你道,語氣及表情都好重要.記得任何事情都要商量.不要信朋友的表面知詞.明白嗎???????記得我說的相處之道吧!!!!!!!!!

👍 0 👎 0

Girl

2007-08-09 9:52 pm

其實我覺得你咁樣做有好有唔好啦．．．

好既你同佢都有私人時間．．同時唔會浪費任何一日．．

唔好既係你既私人時間為左就佢而間接俾佢控制左．．但係久而久之可能會俾佢覺得係鳳

旨．．

仲有．．有時佢話搵你你就出現．．佢未必會識珍惜你．．

ｍａｙｂｅ你可以試下同你ｂｆ講下睇下佢點諗先啦～始終都係問返你ｂｆ好過你睇完我

地答之後亂諗啦～

👍 0 👎 0

emily

2007-08-09 9:35 pm

如果係我,
我會星期六日至搵佢..
唔駛番工!
咁如果佢冇想過要陪我,
我咪同fd過lor..
拍拖唔一定要經常見,
大家都need空間,
我個人比較獨立d..
like freedom

👍 0 👎 0

收錄日期: 2021-04-29 18:39:23
原文連結 [永久失效]:
https://hk.answers.yahoo.com/question/index?qid=20070809000051KK02126

檢視 Wayback Machine 備份