想問下雷達偵測器喺邊度有得買（合法的），點安裝，買時有咩要注意？

只要你係買雷達偵測器(Radar Detector) 而唔係干擾器(Radar Jammer), 咁就唔係犯法. 因為detector只係接收訊息, 話你知radar/laser位置, 而jammer係將接收訊息再輸送壞嘅訊息出去令個radar/laser gun有誤讀情況, 所以jammer係犯法.
其實冇乜需要安裝. Radar Detector個盒入面已經有電源線(好似電話嘅線圈), 用車嘅中控台個"打火機"位嗰個12V電源供電. 亦都有附件嘅軟膠吸盤吸住玻璃去固定Radar Detector嘅位置. 放置Radar Detector係越高越好(當然如果你架車嘅擋風玻璃頂部有綠色tinting嘅就唔好放嗰D位), 因為由車頭冚折射嘅光線係會影響Radar Detector嘅表現. 吸盤用耐咗可能會唔啜玻璃. 可以將吸盤放落熱滾水浸半分鐘就回復正常.
旺角D汽車用品鋪有得賣, 但價錢好貴. 如果有朋友喺美國的話, 不如叫佢地幫你買會較化算. 其實只需考慮兩個牌子三個model: Valentine1, Escort 8500, Escort 9500. 本人較鐘意Valentine 1. 用咗都差不多七年, 都救過我唔少次. 仲可以話你知radar/laser喺前定後, 又可以送番原廠update software. Escort 9500有GPS記住誤鳴或者常有快相位置嘅地方, 但係香港高樓大廈多隧道多就冇乜用. 一分錢一分貨, 其他平嘅model冇咁準嘅, 食兩張告票都喺番度.
盡量唔好買用電芯嘅model, 因為電壓唔穩定. 如果嫌由中控台拉條電線上去個radar detector度礙眼嘅話, 可以買配件由倒後鏡上面個燈位攞條電源拉線落個radar detector度. 叫車房幫你做都係一個鐘人工.
有radar detector唔係鼓吹揸快車, 而係運輸署有時喺公路設嘅speed limit實在太估佢唔到又唔清晰. 小心駕駛啦.

旺角(波鞋街附近)既汽車零件鋪有好多,詳情請問番店內職員.

2007-08-17 11:14:04 補充：
I don't know wt is he saying?