做了第三者的我

一段己有多年感情的情侣，
係好難可以介入！
失望同傷心嗰個只會係你！
第三者痛苦，男人也痛苦！
他不知道該怎樣同時間要面對兩個人！
結果他還是會選擇乖乖留在她身邊！
其實他找你與不找你，眼淚也總是在你身邊出現吧？
為何要愛得那麼痛苦呢？
女人的幸福與青春是價值連城的！
你也知道是不會長久！
無奈的只是當局者迷！
總是覺得自己無法離開！
何苦呢，最終受傷害的始終是你！
快點抽身離開吧！

我俾第三者介入過...
的確好憎d搶人男朋友既人..
但到自己既感情多左一個人...
先了解到... 原來有d野真係唔可以control到...
愛情既野... 真係講唔埋...

做第三者有2種:
1. 由第一日開始你已經知道對方... 冇諗過要搶走佢... 但你要知道你既感情唔可以一日俾一日多... 你都已經ready好唔會話要對方係你身邊... 你要可以一個人生活到... easy come easy go...

2. 你plan好左要搶到手... 但係等呢d時間唔可以太耐...如果你已經等左好耐or用左一d時間... 我想講你已經輸左... 如果佢係有心要同你一齊... 佢唔會要你等得耐...

如果你可以放開手既...
放開佢啦...
換左係我... 有一個10幾年感情既男朋友...
我都唔會放棄... 要知道... develop左10幾年感情...
唔係話放棄就放棄得到...
我希望你早日可以做一個對你有好處既決定...
都相信總有一日你會搵到一個可以俾到幸福你既人~

呢個男人在玩妳, 唔好再諗佢喇!

哦~既然你真係好鍾意佢既~咁做第三者
都無罪呀!!係唔係!!戀愛係自己既自由,你
有權選擇你鍾意既人。我覺得戀愛係一種
競爭,係無岩同錯既,所以你唔洗咁灰。

既然佢都選了他的女友
咁你就唔好在久前落去啦
廢時大家都唔開心
見到面仲會好"咁介"

嘩！佢識咗個女仔十幾年都唔捨得同人地結婚
然後又識咗你,你又覺得自己係第三者
我唔係好認同你話自己係第三者嘞
就係因為佢未結婚,所以佢咪大條道理識女仔囉
咁又點算係第三者啫
其實佢同識咗十幾年嘅女友都冇諗過結婚
就算佢揀咗你都未必有結果啦
佢有冇講過話會娶你吖
如果冇
何必為呢種人晒時間
佢打俾你咪鬼睬佢啦
無將來嘅嘢等黎做乜
調轉我鄧嗰個識咗十幾年嘅女友慘咋
十幾年都冇結果
將啲青春擺晒係嗰十幾年度
呢個女友都算俾面嘞

佢唔再經常打俾你
仲好唔洗拖泥帶水
襯自己重有本錢
快啲搵嗰個啦
唔好以為得佢一個先至有拖拍至得架
再係咁糾纏落去無咩好處
雖然你從不主動
咁又如何呀
呼之則來
揮之則去呀
你當自己係咩呀
唔好同佢玩啦
快啲醒啦
早啲結束
就早啲重生
一個女仔青春有限
再係咁拖落去
到年紀大咗嗰陣
你會求其是旦搵個人嫁咗就算
或者做老姑婆
就算嫁得出想生仔都變咗高齡產婦
除非無諗過生仔
咁樣你話值唔值得呢?

我支持你離開佢！

各位女仔你地話呢個男人有幾好?

唔好理佢玩什麼手段只要你清楚自己想要乜就行啦。
雖然你不想做第三者,亦無採取主動,但當你接收他的時候,便已成為第三者。若果可以的話最好盡快把關係劃清脫離第三者身份。只要認清問題對方是有女朋友,自己不想做第三者,多提點自己就算鍾意亦起埋一齊也未必會有好結過。
換著我,就算會聽他電話也不會成為第三者,因為我不會理會佢相點,但會清楚知道自己唔想成為第三者。要佢知道佢不應花時間在自己身上,反而要花多點時間於其女朋友身上。

其實我覺得感情o既野無話錯或對, 兩情相悅o既野好難講.
做第三者, 我唔覺得會好錯.....因為人地又未結婚, 如果人地有老婆就另計啦
又或者佢女朋友係你朋友......咁就錯咯.
你選擇做第三者, 受傷最大果個, 係你自己, 傷自己點都有d 錯.

咩野叫做要習慣一下啊? 咁樣即係佢對佢女朋友仲好有感情啦?
佢有無同你講過佢對佢女友已經無感情, 或者會同佢分手之類o既說話?
不過, 如果真係好彩到, 佢會同佢女友分手, 同你一齊, 你都驚佢第日又會同你感情淡左, 搵第二個,
如果佢無, 果即係玩野啦, 如果你係認真, 就真係玩唔過.
我覺得你唔好打比佢啦.....冷淡d 對待佢,
如果佢真係鍾意你, 佢會有行動,
同埋你要向佢表明立場, 你要做正印, 如果唔係就bye bye 咁啦.
其實我諗呢d 野你都諗到, 只係你做唔做o者.
加油!!