問他有否意思？

唔係"有人",而係基本上都係會答直接問-__-
你可以用SMS,MSN,咁會無咁尷尬
但始終好似唔夠誠意,或者人地覺得你係到玩野…
而寫信就太老套,同埋最大機會會將你信既內容傳左出去!

- - - - - -
表白前,我覺得應該著重返,到底你同佢既關係
驚比人拒絕,最好做好事前準備
只少要打探清楚,佢有無鐘意其他人?
或者睇平時舉動,佢對你有無意思之類?
之後再作打算!

其中一個打探方法,如果你同佢係好朋友既話,
你話想搵佢幫手做個準備,話你想同你鐘意果個表白
想搵佢幫手,扮住你鐘意果個先,等你試下!
之後你可以睇下,過程中佢既反應!

- - - - - - -
- 問既方法*

**開玩笑形式 - 食緊野,係到講緊笑個陣,輕鬆情況下,問佢一句"問你呀!你鐘唔鐘意我@@"
如果佢表現出有D閃避,怕羞之類表情,唔答,甚至佢否認
[咁其實你都知佢係有幾大可能對你有意思]
如果佢好惡,惡言而相或者話"唔係呀!",之後拒絕
[咁佢鐘意你既可能性只有20%-35%]

不過無論佢比咩反應,你都可以打圓場話,"同你講下笑咋XD" / "唔係呀!識左你咁耐,一D友情既鐘意都無XD?"
呢個情況下,即使佢同你講話鐘意你,
你都應該打圓場,而唔係驚訝到出唔聲咁-__-


**認真形式 - 一個單獨相處既時間,鼓起最大勇氣同佢講,"其實我鐘意左你好耐!"

- - - - - - - - - -
不過點問都唔緊要,最重要都係個結果姐XD

萬一佢拒絕,
你有幾個方法應對!

1 - 哭! 將你唔開心既心情解放出黎! [但最好唔好係好多人既地方做-___-]
我諗之後對方都會不知所措地安慰你!
然後你哭夠個陣,咪大方D話"我明白架啦! 感情唔可以勉強! 我地都係做返朋友"

2 - 開朗地回應! "我都估到係咁既結果架啦! 唉! 咁話時話你鐘意果個係邊個XD"

3 - 開玩笑地胡混過去! "枉我鐘意你咁耐,你就咁就拒絕左,唔通你唔信我會睇唔開去死?"
之後見到佢反應,就可以講多句"講下笑咋,我邊似D咁既人=V=" "果然我地係做返朋友比較好"
[呢個方法係唔適合對方係個冷酷既人*否則,你話去死,佢都只會話"你去死咪去囉-__-"]

- - - - - - - - -
被拒絕之後,都想無咁尷尬
一定要令到對方比較安心
唔好令佢覺得好似好對唔住你,以後唔知點面對你
或者佢仲會以為你一直仲鐘意佢
你同佢講,"我地都係做返朋友",主要係想佢安心D姐!
咁樣大家清楚明白既話,就無咁尷尬!

之後你地見到面,即使佢想避你
你都要主動D! 至少要大方去面對
唔好驚驚青青咁回避佢!
佢見到你咁,自自然就無野!

同埋你盡量要做返好似表白前咁既關係!
例如你平時都會問下佢功課 / 同佢傾計
你就應該繼續自然地咁做就可以!

其實只要你KEEP住咁,一切自然
佢自然會安心!
漸漸知道你同佢真係變返朋友
咁佢就唔會再顧忌!
亦會慢慢忘記左表白個件事架啦!

*當然,最好梗係你表白成功啦=V=!
努力!

SEND SMS LA!!!!!