打風去澳門問題

唔使太擔心，三號風球唔會停航，而且個風已經轉弱咗，唔會掛八號架啦（下一個風又未到）．

不過你呢個問題幾值得研究研究嘅，首先，套票已經買咗，錢都俾晒（財到光棍手啦），話要退票而又唔損失＄就唔係太可能架啦．

咁樣，就要睇船公司同酒店點安排啦．

船公司方面，因為停航係佢嘅決定，所以，買咗嘅船飛係可以退／換，或者響復航之後盡快安排搭返嘅．

問題係酒店方面，因為打風你去唔到，道理上係唔關佢事嘅，如果幫你做套票嘅旅行社做咗guarantee（旅行社為免麻煩，通常都會咁做），即係冇論你幾夜去到，佢都會保證留住間房俾你，同時，就算你唔去，錢都一樣照收，冇得退（因為佢要幫你留住間房，一定唔可以再俾第二個客，所以亦唔應該可以退錢俾你），咁樣，打風只有嘆句唔好彩，使咗錢冇得玩．

如果旅行社冇同你做guarantee，咁當你知道唔去得，馬上叫旅行社幫你搞退票，理論上只會唔見少少手續費，問題係，知道八號風球唔去得，旅行社仲有冇人響度幫你搞，如果你自己打電話去澳門取消訂房，咁旅行社又認唔認數呢？

因為澳門打風,所以你可以改期為下个星期或下下星期去.