澳洲永久居民轉為澳洲公民

上年，係雪梨，我幾個朋友搞，全部都搞了六個月以上，幾年前我搞入籍時，最順利都要成三個幾月，果時唔使再申請良民証。

時間長了，因為雪梨移民局的辦事處係這五六年內close了好幾間，宜家好似只剩下一至兩間。而且佢地好多時請的人係contract-based 唔係好專業，就申請良民証一項，佢地都要周圍問人confirm。新例，要係澳洲那邊寄信回港的警務處申請良民証，除非你係申請PR visa成功後，在最初的良民証一年有效期內己移居澳洲，中間又冇斷層。

咁如果唔係，入籍時就要再於來源地再申請良民証，一來一回都要個幾兩個月，我朋友個case仲係，澳洲移民局收到香港警務處封信都唔做野，又要佢白等個多月。

係大的council，個個月都有入籍典禮，e.g. Ranwick，你可以上網check，但你要有果區的地圵作申請。我諗兩個月能夠轉為澳洲公民就應該難少少啦。

1) 5年內留2年，其間可無限次自由出入。
例：1/1/2008-31/12/2012 內你要留夠2年。

2) 申請轉做公民之前的2年要有1年在澳洲境內。
例：如果你1/1/2008想轉做公民，咁1/1/2006-31/12/2007內你要有1年係澳洲。

以上兩項須同時符合。