牧童笛學習問題

初學牧童笛最適合吹高音笛soprano/descant recorder，
最普遍用o既係yamaha笛，廿幾蚊一支，
如果你想要平o的都有，文具鋪我都見過有得賣，
只係十幾蚊支，不過質素就當然冇保證啦。
不過如果你想買俾o的長者玩，唔要求音色靚，都可以一試。

如果你買yamaha笛，入面會有埋一張指法教你吹，所以自學都冇問題。
一般初學o既牧童笛書都會教G音先，
教完G再上A、B、C'然後先教返F、E、D。
因為牧童笛高音同低音都要練下先可以掌握得好，
所以會由中間位置o的音開始教起，咁樣學o既就會比較容易吹。
亦都係因為呢個原因，好多牧童笛書都係由G大調開始教。

如果你想搵多o的歌可以係tom lee試下買一本Harry哥哥出o既書，
我唔係好記得正確o既名稱，大概係『Harry哥哥教直笛』咁上下，
我唔係想幫佢賣廣告，不過呢本書隨書付一隻cd，
有晒書入面o既歌，每隻歌有兩個版本，
一個係示範，另一個只得伴奏。
如果你教長者o既時候，可以有埋伴奏咪冇咁悶囉。

你話你係初學, 都要睇下你對自己將來要求有幾高. 如果真係要平, 都係學高音笛先吧, 因為中音笛除非係質素極差的, 否則都唔會咁平.

我建議用 Angel 最平那隻高音笛, 因為 YAMAHA 最平那隻的聲音較粗糙, Angel 那隻平得來好些少.

其實牧童笛同其他木管樂, 即係長笛, 單簧管等一樣, 都係 "半音階樂器", 不用好像中國樂器那樣吹不同調要用不同笛. 而如果話 "d譜寫住係咩調就玩咩指法", 相信佢係指從簡譜中見到的 d r m f s, 在不同調要吹不同音, 例如 C 大調的話就係 C D E F G, 係 G 大調就變左 G A B C D 等等. 這句說話在西洋樂器當中音思不大, 不用理會. 如果你真係諗住 "學" 笛, 就唔好好似好多人咁, 請人地比 "譜" 但那些譜只是一堆英文字母, 而係去學睇五線譜 (希望你本身有認識就更好), 否則就很難稱為 "學" 笛呢.

高音笛,,
because小學最常用,,
應該買YAMAHA ge,,
because d 音準d