有冇小形電鋸買??

電鋸，香港俗稱叫〔積梳〕，可能是由英文 JIG SAW 直釋過來！

在很多家居用品中心，如實惠．．．ｘｘ直銷中心，專買ＤＩＹ的用品專門店，例如Ｂ＆Ｑ等，都會可以買到！

〔積梳〕價錢由幾百元，至正常千幾蚊都有，為何千幾蚊先至叫正常呢？

以我們做工程的，買〔積梳〕一定會買一把過千的，不會買什麼幾百蚊一把的〔積梳〕！幾百蚊的〔積梳〕當玩具玩下就得，要搵食的跟本無人咁蠢買這些，如果見到有師傅是用那些幾百蚊的〔積梳〕，我可以肯定佢都唔係師傅，係二打六或學師仔．

通常現時我們用的〔積梳〕都是來來去去兩大牌子，一個是〔紅Ｍ〕，一個是ＢＯＳＣＨ，個人意見〔積梳〕是ＢＯＳＣＨ最好，〔紅Ｍ〕則油壓鑽及炮子最好！〔電批〕是日立最好！

〔積梳〕是有５動力道及手感變速的，基本上你用得熟的話，同自己隻手冇乜分別，可以從心所欲！

ＢＯＳＣＨ的〔積梳〕價格大概千三蚊左右，可能已經加左價我唔知，旺角近上海街大把，二手都有，此外你要留意把鋸是有唔同的，有些是疏齒，通常是用來介木的，介出來較易披口，有些是密齒，可以用來介金屬的，介木亦都可以，密齒介出來的木是較少披口的，建議你用密齒！另又有一種是專介鋼的！你有需要可以去五金鋪問！

YOKI WONG
圖片參考：http://hk.yimg.com/i/icon/16/3.gif

你可以買把日本木工鋸,五金舖賣大約60蚊左右(手鋸),鋸木一流比起用(積梳)還要好用

不過要小心用,好鋒利的