三歲小朋友有什麼辦法自己訓！

你可以一步步咁令佢自己瞓, 但你要有耐性
先要話佢知點解佢要自己瞓, 要俾佢明白原來媽媽唔係唔鍾意同佢瞓,而係佢大個仔,要佢開始獨立,同唔好浪費左媽媽買給他的靚床,而媽媽就在另一間房,唔係走左去. 你可以同佢去買佢鍾意公你的床單.吸引下佢
跟住可以同佢協議,好似玩game咁,例如: 首先就一星期自己瞓2日,如果做到一定要讚,因為小朋友得到大人讚,佢會自己乖乖咁做,唔洗勞氣. 你都可以獎勵下佢, 之後就3日, 5日,到全部.
最好就俾一個暗D的燈佢,因為佢唔肯自己瞓好可能係佢怕黑,我個仔都係,咁我俾佢開燈,但不可以好光,可用可調光暗的燈,等佢瞓左就熄左佢.呢個就要佢一開始自己就個,佢會無咁驚, 易瞓D,重可以慢慢調到愈來愈暗,令佢習慣黑 .臨走時就錫下佢面珠仔,傾幾句計,等佢個心定D.
記住佢開始時哭是會發生的,因為仲未慣,但你都不要太心軟, 可以在佢張床先哄佢瞓, 之後就自己返房.
慢慢佢慣左就唔怕架啦.

預備一個有囝囝鍾意卡通公仔的睡房, 被套. 同佢傾大個仔開始要自己訓, 可先由午睡開始俾佢習慣訓覺要係自己房訓, (有無表哥,表姐, 朋友仔 可以話俾囝囝知, 阿"邊個" "邊個"都係自己訓架)

晚上睡前先安撫佢既情緒, 如佢怕黑‧怕弧單, 就預備靚靚攬枕+小夜光燈, 媽咪/daddy 傾下計/ 床邊講故事, 陪到佢訓著為至,

告訴囝囝唔會完全關房門 ( 留少少"那" ), 如果半夜醒左可以大叫媽媽架, 媽媽聽到會即刻去你房, 叫佢放心.

最後, 唔好迫佢, 唔好發佢難渣, 今次唔得下個月再試, 希望你早日成功.

ps 我2個小朋友(7歲, 5歲) 都係2歲到已經俾佢地獨立自己訓自己房, 當然初時咁細個我會辛苦d因為晚上會巡行房, 現在一叫訓覺佢地會各自返自己房訓.

坐係佢床邊等佢訓著先離開...