唱歌技巧既問題

> 點做到用腹部運氣ｇａ？？
你試下訓係度、好自然咁吸氣（口吸，但唔係深呼吸），
你就會發現腹部會微微脹起，而唔係整個胸腔脹起，
呢個就係腹式呼吸。
感覺到之後，可以試下企起身，用返呢種呼吸運氣，
一開始會唔習慣，吸得好少，但慢慢就會懂得控制附近既肌肉。
不過，懂腹式呼吸並不等如用聲正確，腹式呼吸都可能會喉嚨聲嫁！

> 同埋點唱到ｄ震音？？
呢個比較難答... 有人天生就識，有人學極都唔識。
震音有兩種，一種係 pitch 的震音，我會稱之為真震音，
另一種係大細聲的「震音」，其實只係用氣多左少左，pitch唔會多變，
所以我認為唔算係震音，但都有人兩者並用去造出震音既。
如果你係學極都學唔識震音果隻，可以試試一邊唱一個音，
一邊用少少力上下搖動你的左／右手，但不用太密，
咁就就會 feel 到個音會震，呢時可以用心去感受喉嚨係點移動，
再試下手唔搖時可否做到。

> 但係有時又可以好穩定？
學聲帶的震音與學提琴的震音一樣，都是要以慢以大為先，
不要操之過急呢！只要以慢以大為先，就可以控制得好，
唔會無啦啦唔想震音都震左。

> 想練唱高音ｄ又有咩方法？
呢個要睇你本身發聲位置是怎樣，再對症下藥方行呢...
單單是男是女，已有不同，最好還是找一個聲樂老師呢！
其實... 唱 scale 是不錯的選擇，但一定要唱對，否則愈練愈衰...