有關2月北海道自遊行的問題(最佳回答有40分)

行程方面：
首先係札幌，其實3日都足夠，因為地方唔算太大，有旅遊景點，不過我覺得比較多係行街購物既商店；而小樽2日都足夠，主要都係小樽運河及兩旁既景點，不過個人建議一定要去兩次，分別係日頭同埋黃昏，兩段唔同時響運河既景色都超靚，絕對不能錯過；登別主要係溫泉同埋熊木場，1日都已經足夠。所以我建議你3日札幌加2日小樽加1日登別。

交通方面：
你應該係講Hokkaido Rail Pass：
http://www2.jrhokkaido.co.jp/global/chinese/railpass/index.html
買唔買要視乎你既使用率，以你既行程，只係適用於往來札幌～小樽～登別～機場；JR Pass可以去到當地先買，買車票既地方會有服務處，可以查詢同埋買車票。JR Pass係坐火車，唔可以坐地下鐵，兩樣你分開既，不過就可以響札幌JR站轉乘地下鐵，而登別係可以坐JR或其他巴士前往去新千歲機場。由於札幌～小樽係有Welcome Pass，http://www2.jrhokkaido.co.jp/global/chinese/railpass/welcome.html
我建議你配合番自己既行程，計一下來回既車費。

酒店方面：
我自己住過Keio Plaza既Semi-double，房間不算太大，不過就整整齊齊，我個人覺得ok，價錢亦唔貴，交通都方便，響JR站步行往酒店只需5分鐘左右，你可以參考網頁既相片：
http://www.keioplaza-sapporo.co.jp/english/room/guestroom.html
JR Tower Hotel同Century Royal Hotel都未住過，前者超方便，因為響正JR Tower上面，即最近JR站，不過好貴；後者就響正Keio Plaza同 JR Tower中間，價錢亦屬中等。

我亦住過小樽宏樂園，上網book既，去到先付款，去宏樂園係無shuttle bus，要自己響小樽JR站搭巴士，JR小樽站對開中央巴士站打斜排既巴士”2號”乘”朝里川溫泉行”至“宏樂園前”，車程約30分鐘因為行車班次比較疏落，要預時間。個人超鐘意響小樽既「小樽朝里川温泉 宏樂園」，因為真係好靚，私人露天風呂，仲要係日式塌塌米房間，間房好大，溫泉好正，仲要係冬天去，望住出面雪景，如果有落雪既話，d雪會落入溫泉之中。

--------------------------------------------------
我既分享：
我都係2個人去北海道，5天自由行，我本來就打算住1-2晚小樽宏樂園，其餘頭尾時間就住札幌京王，同樣都係要等酒店覆有無位，最終宏樂園既私人露天風呂客房無晒，所以我全部5日4夜都住晒札幌京王，唔想轉去其他自己無興趣既酒店。

不過因為宏樂園有日歸，於是我就自己send email去book，同樣都可以有個私人露天風呂客房，可以浸溫泉，好正，好舒服，分別只係得3小時 (11:00am-2:00pm)，不過平好多。

我既行程係咁：
Day 1 先遊札幌，如大通公園、電視塔、狸小路等
Day 2 坐JR往小樽遊覽，由於我預一日時間，可以睇日夜景 (即日來回)
Day 3 坐JR往登別遊覽 (即日來回) > 夜晚可以行Sapporo Factory同埋食飯等等
Day 4 返小樽宏樂園浸溫泉 > 夜晚可以行Chocolate Factory等等
Day 5 遊覽札幌餘下景點，買手信等

有d野可以share下：
- 我並買Hokkaido Rail Pass，因為我唔係去得好遠，最遠只係登別，所以計過唔抵。我響札幌JR站既JR Tourist Info Ctr (唔記得個名，不過就係專幫旅客既地方，服務員識講英文普通話) 買JR車票，而登別既車票，兩個人來回車票有discount，兩個人加埋只需7千幾日圓，你可以響果度問清楚坐JR所需車費，計下要唔要買Hokkaido JR Pass，定係分開買會平d。

希望可以幫到你~~

我上次行程:7天
day 1-2:札幌市內(day 1 假設由HK出發,去到札幌巳晚上,放下行李去醫肚,去看夜雪祭,注意關燈時間);day 2 早上扎幌市內(雪祭、其他名勝古蹟),下午去小樽看完晚上運河燈景才坐火車回扎幌
day3用北海道pass早上去旭川層雲峽,夜車去網走,day4去破冰船,晚上坐夜車走,day5去函館,住函館浸温泉,day6早上去登別,玩完返扎幌(可留宿登別,浸温泉,要看你第2天的航班),day7由札幌走
Pass用北海道2人省錢pass,去到有得買
jr pass只可火車,JR 札幌站是不是就可以轉搭地下鐵?答:不直接過,出火車閘，買地鐵票，入地鐵，有通道過有指示
登別都是可以搭JR回到新千歲機場?多在札幌轉車
個人意見住JR站最好,方便行走札幌Washington hotel,一出火車站南口便到,地庫通往火車站地下街,免費上網(大堂有機用)房間較新、光猛,包早歺,上網訂
宏樂園可安排車接(小樽站),自己坐的士不貴(冬天成地雪,坐的士最好,因你還有行李)
登別有間叫花亭的(or花?亭),不過冬天最好去露天大浴池浸,看飄雪,美得很(房內自己浸意景不夠好)
登別氣氛好過宏樂園

其實這個行程安排都ok，不過如果喜歡浸溫泉的話，登別便不能不去，因為很多最top以及全日本最大的溫泉都是在登別呢，滿街鬼像以及登別地獄谷再加上忍者村都已經可以影不少相片。本人覺得小樽都可以只留一晚，不過如果想玩下客室風呂，宏樂園都算是個好選擇，不竟比登別的平嘛，而另外一晚建議選擇Hotel Sonia，這間酒店面對小樽運河，冬天看著天然雪景的河運，包您永遠對此不忘 ^^"。而以您出發的時間來看，您更有機會可以看到小樽雪燈之路，整個道路放滿了天然蠟燭，再加上運河的玻璃漁燈，包您目不暇給。

另外一個方法便是先住1晚札幌，然後先後往小樽及登別，再回札幌，這樣車費雖然貴了一點，但可以用輕便行李前往小樽及登別，而最後先返札幌是因為多數人買東西都會在札幌，可以避免拎著重重的行李去幾個地方，尤其在冬天就方便得多。

香港及很多地區都會有旅社都可以買到JR的Hokkaido Pass，不過今次您的行程不用買JR Pass因為跟本圍唔到Pass的價錢，而小樽有兩款唔同的Pass，但我覺得只適合去小樽day trip的人使用，因為買一張(1500円)的小樽札幌的Welcome Pass可以一日免費任搭札幌的地下鐵及來回札幌及小樽的JR；而小樽周遊券(1900円)可以免費任搭小樽區內的JR及來回札幌至小樽的中央巴士，但其實由札幌去小樽的JR亦只不過是620円，而遊客在札幌市內乘地下鐵的收費通常是200円，所以我覺得都係繼次買比較化算。

由札幌地下鐵站至JR札幌站步行差不多5分鐘左右，但兩個車站是連接的。
登別可以乘JR室蘭本線至苦小牧站轉千歲線至南千歲站轉乘快速Airport往返機場(1850円)，亦可選擇從登別乘室蘭本線至苦小牧轉機場巴士前往機場(1410円)。

JR站附近有很多酒店，其中有Sapporo Washington(步行2分鐘)、Sapporo Keio Plaza(步行5分鐘)、Sapporo Grand(步行8分鐘)，在札幌的酒店分別不太大，最主要是方便及化算。
大通站則可選擇Roynet Hotel Sapporo Odori(步行1分鐘)。
登別則可以選擇第一滝本館(客室風呂)或Hotel Mahoroba(全日本最大風呂)等

提一提您：2月的北海道是旅遊超級旺季，所以要盡快安排行程。
札幌雪祭在2月9-13日
小樽雪燈之路則在2月11-20日
記住安排好兩邊的行程呀，好好享受一個白色的假期啦。

我可以答你一部份問題:
如果只係留係札幌同小樽, 可以只買小樽札幌welcome pass (1500yen), 2張車票, 1張係札幌地鐵1日任搭, 另一張就係小樽1日任搭, 咁你可以arrange 一下個行程, 利用呢2張車票去遠小小的地方
札幌如果只係去大通公園 / 狸小路 / JR 站附近, 我就覺得唔駛坐車都得, 因為可以行地下街, 而且行去搭地鐵都好遠, 唔方便
札幌地鐵逢星期日的1DAY PASS 只係500YEN, 平日要1000YEN (星期六唔記得係唔係都有特價)
酒店方面, 可以住東橫INN, 夠平及方便, 又可以上網BOOK
http://www.toyoko-inn.com/china/
另外OAK HOTEL 都ok, 價錢就會東橫inn 咁平, 不過都近jr 站 (係東急後面)

2007-08-07 23:54:23 補充：
JR北海道pass可在香港的旅行社買, 亦可在機場購買, 你的行程並不需要購買jr passjr pass 不可以坐札幌地下鐵, 而jr 站可以通往地鐵站, 不過路程都幾遠在登別可以搭JR返南千歲站轉車返回新千歲機場而我自己就住過登別石水亭, 有免費巴士由札幌往返酒店或新千歲機場 (可以慳番d車錢), 不過呢間房內無私人溫泉http://www.noguchi-g.com/同group的另一間酒店 就貴d, 不過有私人溫泉呢間都有免費巴士由札幌往返酒店, 有私人溫泉http://www.takimotokan.co.jp/english/index.html