去沙巴旅行既問題

去沙巴主要係玩水上活動，除咗衫褲鞋襪之外，當然係帶泳衣／褲，泳鏡，毛巾，防曬（太陽油，帽，遮之類，如果有，帶埋件水上活動嗰種防曬快乾衫啦，著住要玩水上活動，你一定唔會後悔），因為天氣熱，帶定水樽裝水，隨時隨地可以有得飲，以防中暑．如果想去玩浮潛，有蛙鞋，有潛水呼吸管，同埋潛水鏡，就帶埋去，慳返唔使租（RM 10租一日，唔包蛙鞋）．

一對沙灘鞋就一定唔少得啦，行沙灘可以著拖鞋，去玩激流都可以著拖鞋，但係去玩浮潛就唔著得拖鞋啦，因為著拖鞋踢唔到水，唔著拖鞋，要企起身，好易俾珊瑚界損腳．

如果你要去睇長鼻猿，鱷魚，同埋螢火蟲，咁就最好帶埋電筒啦，上船之後，天都黑啦，行一小段路先上得返車，有電筒好D．

如果冇記錯，嗰間酒店響海邊，景好靚，酒店出市區有穿梭巴士，如果坐的士，單程RM 10．

如果怕蚊，就要帶埋蚊怕水或者蚊貼．

仲有，就得帶證件．

最後，就係要帶一夥旅行嘅愉快心情．

基於環保理由,有d酒店是不會提供牙刷和牙膏的,我住的Nexus就是其中一間. 你最好自己預備.

防蚊的用品, 因為馬來西亞都幾多蚊.

其實去那個地方旅行帶電筒都是以不時之需, 例如酒店突然停電, 都不用手足無措吧。
沙巴也是天氣炎熱的地方, 帶多兩三件T恤以作替換是需要的。不知你的行程中有沒有安排去玩激流, 如有, 就要帶備一對可落水的涼鞋(不是拖鞋)。你說的那間酒店, 也可以, 因我住的是園景也不錯，但沒試過搭的士去市中心，所以不知價錢，sorry! 答不到你。記得帶齊所有防晒用品及用具(傘子, 太陽眼, 帽等)。祝你旅程愉快!!!!!