有關英超足球經理人大賽的問題

托利斯好大機會有正選。個人意見，利物浦踢法較保守，入球較少，同時十分整體，入球分佈平均，自奧雲後都未出過多產射手，以托利斯名氣，季初平價一試無妨，不過踢幾場都入唔到就唔好再用，正如上年舒夫真高，到季尾先入局，幾平都係假。

夏格維斯就算係正選都唔應該用，防中係英超足球經理人大賽入面，幾有名都冇用，典型例子有馬基利尼。唔夠錢都仲好多選擇，馬路達、Ｍ柏杜夫、蒙達利、卡普、李察臣及祖高爾等。

李察鄧尼值得買，個人睇好曼城表現，有他信大水喉射住，加埋艾歷臣執教 (艾歷臣教英格蘭唔掂，但教國家隊同教球會絕對係兩回事，佢之前教球會成績有目共睹)，可以季初睇睇表現，再決定換唔換人。

其他建議，有以下幾位：
車路士 - 格連莊臣(7.81)及賓希姆(6.35)，前者應可奪得正選，以強隊正選後防黎講，身價絕對超值；後者身價只係6個幾，係季初泰利唔出得時，一定有正選踢。
利物浦 – 艾比奧拿(5.58)，因奧利里奧仍有傷，如果懷斯踢左翼，艾比奧拿一定有得踢閘位。第一場都有出，但要考慮排陣唔會場場一樣，出場機會唔穩定。
維拉 - 美爾保 (6.05)及廸蘭尼 (6.51)，維拉不嬲後防穩，只不過美爾保較易攞牌。

托利斯在利物浦做正選的機會很大, 轉會費高係想佢幫利物浦get冠軍...
夏格維斯在曼聯做正選的機會就ok啦, 始終有人俾佢好d, 但你都可以買在first week睇佢is or not正選, 維迪, 里奧費迪南, 軒斯, 泰利係我選擇, 可以用作你參考!