遲左上庭.. - Ans.fyi 參考答案

遲左上庭..

[匿名]

2007-08-07 10:13 pm

如果本身係十九號上庭..但記錯左二十三號上..去到法庭有人話佢遲左上庭俾人通緝緊.之後等見個官..咁個官話佢冇得擔保要佢入壁屋入到九月三號上庭..咁會告佢咩野呢..?!?
本身佢單案係打交傢..但係落口供果陣有認人哩樣野..但果個証人認唔到佢..但差佬照告佢要佢上庭..咁我想問依家會照告佢傷人定係冇上庭呢..?如果告佢冇上庭係咪多數罰錢傢咋..?
但本身佢重有另外一單野聽日就上庭啦..會唔會對佢九月三號有影響呢..?

回答 (1)

用戶2684

2007-08-08 8:45 pm

✔ 最佳答案

擔保嘅意思, 就係用錢去保証係某人會在指定時間出現於法庭 / 警署. 你朋友無在指定時間出現於法庭, 除非有合理解釋, 例如大病, 車禍, 上大陸唔見証件, 否刞法官會當佢棄保潛逃. 除咗會取消佢嘅擔保, 將佢收押外, 重會充公佢嘅保釋金. 但只係充公咗保釋金就算, 法官係唔會另外再罰佢錢或因為咁而另外告佢. 佢九月三號再上庭只係處理原本果條傷人罪.
佢兩單案除非係同一時間發生或有闕連, 否則唔會互相影響的. 而佢因棄保潛逃被還押亦不會對兩單案有影響.

參考: Veni - Vidi - Vici

👍 0 👎 0