居屋..20點

你有無睇過《富爸爸，窮爸爸》，你知唔知什麼是「買入資產」，什麼是「買入負債」？

如果你唔能夠一次過俾晒買樓，就係買入負債。如果你能俾三成至五成首期，都係買入負債，但債少D。但如果你只有咁少首期，咁你買入的明顯就係大大大負債！根據《富爸爸，窮爸爸》理論，有錢人之所以愈來愈有錢，因為佢地　一．懂得避開債項，二．懂得用錢搵錢，而唔係用勞力搵錢。

你地仲後生，又有個女要養，點解要冒風險做九成半按揭買樓？點解唔儲多D，夠三成首期至買樓？每年有好多銀主盤出現，相信個D業主當初買樓時都無想過自己有日供唔到，會俾銀行收樓。

答番你問題，沙田愉翠苑有一百萬樓下樓盤供應，但呢個屋苑係短椿樓，第日隨時有好多維修費，亦未必賣得出。至於沙田嘉徑苑，全部都係一百萬樓上，一D都唔平。

2007-08-09 17:34:07 補充：
補充番，沙田仲有美松苑，但只有一個單位賣剩可以供應！

按唔按到九成半既其實就要睇你地係咪住緊公屋啦...
綠表就按到九成半...白表就按到九成(當然呢個係至盡家啦)
最盡就係做到廿五年如果係新樓既話....
你就係要諗過啦...因為你其他咩都無講到....
如果你地可以做到平有平過貴有貴過既生活就其實都供得過既...
但你又要個仔學呢樣學果樣仲要讀埋國際學校就一定無可能啦....
仲有既係如果可以做到個首期唔問銀行借會仲好囉/....|
你有無親戚可以借到俾你地先呀....
因為除左首期你地仲要裝潢下間屋呢....
但其實你地加埋都成兩萬其實唔咁大洗你地都應該儲到下錢既...
俾我計得到條數既我會買囉...

唔會買.....如果得你兩公婆都可以買...但你仲有個仔仔...就供得好辛苦....
同埋唔可以按九成半....
我就冇聽過可向銀行借首期...但財務公司就可以借既...不過利息就好金囉....
你自己諗清楚啦...

首先你有幾多存款啊,你們就以上來睇, 一個月的收入都可以供樓的, 當然是很辛苦呢, 你們要有心理準備啊, 如果真的買的話, 可以到銀行加按, 有朋友試過的, 你們要考慮清楚,因為我自己都在供樓, 所以都知道你們的想法的, 每個月的雜物加起來, 開支都唔少啊, 祝你們好運啊.