結婚&買樓

以下是我希望以真心與您傾談：

第一：恕我直言，您實在很幼稚。結婚跟本從來都不是倆伙子的事，婚後不只是您倆人，還有雙方的父母及兄弟姊妹等一大堆人；最先要面對的是婆媳關係，跟隨是與自己母親的相處。婚後有很多問題您是要面對的，亦不可退避。此際已看到您選擇逃避，人是要長大的，既然您想結婚，就要成熟。婚後不是小女孩了，將會有很多問題都是由自己去解決的，家人不會去幫助及理解您的。不要以為結婚是美麗的圖畫，這些都只是假象的！您說拍拖三年多只管吃渴玩樂，到此刻要面對結婚，而準老爺又希望您們買樓，但您們才發覺一貧如洗。那麼這都是您們不成熟的表現，坦白說，很多情侶由拍拖起已經為自己將來籌劃，他們並不會任意地去亂花錢，他們會努力儲錢為結婚、為買樓。您看到人家男朋友送這送那來討好她，好似多麼的幸福快樂，您又想擁有此情此景。其實您是不踏實！

始終一句沒有自己的夢想家，即樓，是不可能結婚的。人是需要一個家，若果有了小孩，更加無可能為了租屋而年年搬遷。

其實您是活在幸福裹，仍不知！您真的很天真無知。

以我作為第三者看，其實您的未來老爺一點也沒有給您們壓力。我相信他會給您們首期去買樓的，作為父親的，難道不知自己的兒子有何長進，有否儲蓄嗎！他憑平時觀察兒子的行為舉動已知兒子在此刻有否錢買樓了。而他不斷為您們去看樓，似乎他的心內是為您們盤算了。只是您們仍很幼稚，一點也看不出他老人家的意思。

我會建議您們，坦誠向老人家說您們此刻沒有首期，問他會否因此而幫您們。而且若您們願意表現出肯承擔供樓的勇氣，我相信他是在觀察您倆是否一對有責任的人。

每個人都會經歷供樓的辛苦時刻，但辛苦過後，總會有收成期的。

您將會是別人的新抱，別人的妻子，您會否是一名背後的好女人，支持丈夫，肯承擔，有責任感的女人，這些一切都會影響日後您的婚姻。

希望您能做一個願承擔的好女人！ 未來老爺是在觀察您的表現，不要逃避，您能否為自己及丈夫的將來去承擔呢？ 做好給我們看及未來的家翁看，您是絕對有能力去做好的，我會支持您的！

2007-09-13 09:02:44 補充：
多謝，提問者給我高度評價！謝謝！

其實結婚都唔係一定要同買樓同一時間做, 可以先結婚後買樓LA, 租樓住一年先, 到時先再買都樓, 唔駛同一時間用禁多錢MA

我係女仔,最近都plan儲錢買樓結婚
無論你同邊個男朋友一齊,都一樣要考慮買樓同結婚問題,除非你搵到個有錢仔又另計啦
所以唔好因為lee d事就話放棄,我相信你同男友都好愛大家既係咪?

其實點解d老人家成日都話買樓買樓,你試諗下你到左5x歲,可能已經無收入
如果你之前係租屋住,到時你邊有錢交租?
公屋要申請有排等,而且如果你有樓,老左有咩病,急要錢用都可以賣樓
再唔係自己死左,第時都有屋比個仔住
所以老人家覺得買樓係可以保障將來老左既生活(你唔好諗住d仔養你,自己都唔夠駛)
講到尾佢叫你地買樓係為你/佢個仔著想,層樓又唔係寫佢名既,
佢地煩就係煩d,但都你錫你地姐

租樓我個人覺得唔化算,而家d租好貴,2房交通方便既都起碼$6000,交通唔方便既車費又貴
咁不如儲多d首期遲d先結,供d平平地細單位好過交租(幫人供樓)

至於佢爸媽方面,你叫你男友坦白d表示你地能力有限,要儲多d錢無咁快買住
不過有時我都明既,講完d我亞媽都係好似無講過咁,佢成日叫我買太古城,鬼唔知好咩
我目標都係4年後買160萬左右

2007-08-08 15:49:58 補充：
另外,如果你地有資格申請公屋,咁當然住公屋好啦兩人入息少於$10 800 資產少於$243 000

咁就諗分開，真喺好兒戲，未適合結婚啦。唔想買樓只要直接同佢老父講，講多幾次，等佢真喺好清楚你哋意願，應該不會再這樣了。大家坦坦白白最緊要，老人家想出錢你都娪好意思要啦。

如果你兩個無咩錢，就真係唔好買樓啦，真係好辛苦架! 地方又細，而家樓價貴，又加息! 真係賺左份人工都比左供樓到! 就算你比左首期，都要花錢裝修啦，仲要供! 如果要攪埋結婚...咁你地仲邊度有錢!

你地可以租樓或者申請公屋，都係一個辦法!

我自己初時都想買居屋，但發現真係供得好辛苦，所以打算要生BABY既時間，就去申請公屋，都係自己樓，同埋租金唔使太多錢.

你應該叫你男朋友同佢老豆傾清楚，如果佢老豆成日都叫買樓既話，就叫佢老豆比錢囉!

如果你係喜歡你男朋友又視他為你的終身伴侶，就不要因為這件事，就分開!

很多事只要大家傾下，仲有解決辦法!

如果係我，我會同佢一齊去商量!

如果你是因為買樓而煩，而唔同佢一齊，我覺得可惜ＬＡＷ，而唔係解決問題，遲早你地都要為哩個問題而煩，不過如果你地真係視對方是將來的伴侶，我覺得你地而家開始慢慢去ｓａｖｅ　＄＄，一定會ｓａｖｅ到的，”沒有事是解決不到的，只係有冇心去解決的”，做人父母始終都為仔女而擔憂的，哩Ｄ人之常情既．．．．希望你地真係考慮清楚喇，唔好因為咁樣而放棄對方．．．．．搵一個對自己好，又錫自己既人真係好難ＧＡ．．．

你似乎未想結婚喎？！你男朋友又點睇呢？

我覺得老人家個個都想自己的仔女快D成家立室，其實會唔會佢想响佢仲有能力嘅時侯，响經濟上support你哋呀？所以先咁push你哋買樓？但最終應該要睇你哋兩個嘅意願，買樓都係人生當中一件大事，最緊要你哋兩個達成一致共識，如果唔係之後會有好多argue...

我估你仲細啦！結婚永遠唔會係兩個人嘅事，可以講係兩個屋企/家族嘅事，有家人去support，去祝福自己係一件好事，千其唔好覺得煩！

祝你幸福快樂！

呢個是人生必經的一環,就算依家唔買,日后有小朋友你們都會有這個想法,除非你們可以住公屋那可以解決問題,不然的也是煩,除非你能跟老人家住的,你可以留意下比你們早結婚的朋友的經驗但情況同你們一樣是沒樓的,我明白你們問題,所以你要想下你們日后住屋問題,
再計劃結婚.按現況你們未有能力而使你們苦惱的,問問自已日后會有計劃生小朋友嗎?還是見步行步,真是要想清楚,或問下你家人的意見,因為他們必 定為你着想.

我建議如果你日后都冇機會入公屋必需要買樓先結婚為好!那婚后會少了這個問題,問題只是看你如何解決是遲早的事,另一先租下住着先日后再定按也可以,我想你可能會先租才買
這樣你才知問題的存在