狗狗行路破破吓 ?

我隻狗狗都有類似的問題, 有時行行下路彈彈下咁行, 初初我地以為佢o係度同自己玩
但係因維持左好耐, 留意多d佢又唔似自己玩緊喎, 我地都好擔心所以同佢去睇醫生
醫生發現佢腳骨移位, 初初狗仔係唔痛o既
不過唔理的話維續落去到佢年紀大d時佢就會開始痛同行唔到
佢叫我地隻狗仔先要減肥, 再睇下黎緊減左肥後洗唔洗再做手術

所以可能你隻狗仔仲細, 所以佢未點痛
狗仔肥胖可能我地係唔覺的 (因為我隻係細種西施, 比平常的西施仲要細粒)
所以我地一路都唔覺得佢肥呢~
但原來醫生說牠是時候要減肥了~ 所以而家我地日日帶牠去跑步同節制牠的飲食

如果可以的話, 請快點帶佢去睇醫生, 唔好再拖了!
因你的狗仔未必同我的狗仔有同樣問題 (可能無事呢~ ^^ ), 咁你咪安心晒咯~
touch wood真有的話都可以儘快解決嘛!~

祝大家的狗仔都身體健康!~~ ^^

可能係個"教"位有問題.........
你要帶狗狗去睇E生~同睇下要唔要照x-ray呀~

希望你隻狗狗快d好返呀><"

你要快啲帶佢睇醫生啦...

照你咁講...你隻狗狗一定係整親隻腳！
（正如人一樣...唔會無端端乜事都冇發生, 隻腳就拐吓拐吓囉！）一定係整親架啦...不過可能係响你睇唔到既情況下發生啫（因為你唔係廿四小時睇住佢呀ma！）

因為我隻狗狗之前都試過類似既情況...
：我有日放工返到屋企發現佢行路果陣拐吓拐吓, 幫佢按摩到後腳大脾內側果陣佢就發惡想咬我啦, 之後我就試吓輕輕咁按, 就發現狗狗大脾兩邊肌肉唔同呀, 整親果面舊肌肉萎縮咗...當時我都好驚呀, 怕我隻狗有事...所以第二朝就請假唔返工同佢去睇醫生！
入到去診所...醫生同我隻狗狗檢查咗一陣就問我係咪成日俾狗狗响屋企周圍走周圍跳...（我話係呀）跟住個醫生就一路咁鬧我啦...佢話：迷利狗的關節係比其他狗較為脆弱, 如果做主人既都唔阻止佢哋跳上跳落的話, 會好易造成狗狗關節移位, 拉傷肌肉等等痛症...若果我哋唔及早發現既話...好番的機會率會好低, 手尾亦好長添... ...個醫生就開咗ｄ消炎藥同埋ｄ胃藥俾我隻狗狗食, 仲要我困住隻狗响狗籠裡面添, 直到好完全好返晒為止呀！（雖然困住佢既過程會覺得佢好慘好可憐, 成兩個月, 不過狗狗之後真係好番晒啦）...再同佢去覆診果陣, 個醫生就話...以後盡可能都唔好俾狗狗跳咁多...！

其實我都唔會點樣阻止我隻狗跳（當然唔係好高既地方啦）...不過就俾多咗好多有鈣質既嘢俾狗狗食（例如：狗食用既鈣片, 骨粉...）你可以問吓醫生食咩會對關節有幫助囉...

不過你帶你隻狗去睇醫生果陣, 記住去ｄ有信譽既...（因為我未帶我隻狗去睇呢個醫生之前其實都去過荃灣睇過, 但係果個無良醫生話我隻狗要做手術同埋留醫...又話我隻狗無晒知覺, 又搵幾個護士不停咁sell我...我覺得個醫生係想呃錢, 咪即刻放低診金帶埋我隻狗走囉）...
我介紹你睇呢個醫生啦...真係幾好架...如果你有需要既就抄底以下資料啦...
： 徐正雄動物診所(徐正雄)
　何文田勝利道11號A地下
　Tel : 2711 8023
去之前記住預約呀...（因為都幾full booking架）

真係可能係佢腳0既關節出現問題，唔好0向度問下估下喇~
lala聲帶佢去vet度睇喇~我以前隻狗狗都出現過呢個問題ga
問題大到要做手術，你拖得越耐對佢唔係好事..
佢日日都要用到果隻腳行路ga ma!!!
可能佢係好辛苦，而你唔知道...
祝你隻狗狗無事喇~

好大機會隻腳關節傷左,快d帶佢睇醫生啦..

其實你咁樣問人都未必有用ga~
因為我地唔係獸醫~最好搵醫生問請楚la~^^
希望幫到你la