cool牙箍牙...保持器好辛苦...幾個問題

你好呀!
其實你都叫好了, 中一開始箍牙, 箍咗一年算快了, 因為我睇政府醫生要排期, 加上我又怕箍牙會攪到唔靚, 搞搞吓, 結果等到我中五先去箍牙, 而且因為d牙定哂形, 我都箍成兩年幾先得呀, 保持器我都帶咗差不多一年, 不過箍完出嚟個效果都幾好.我因為爆牙, 上下各除左2隻牙, 我箍完到依家差不多四,五年了, 都無咩移位.

1) 上面齊哂,但d牙好似好大隻咁??
~~~~上面嗰位講得無錯, 心理作用, 睇唔慣啫, 睇耐咗就唔覺了
2) 下面都齊哂..but好似成排牙入左少少?
~~~~基本上, 我箍牙嘅時候都問過醫生, 佢話會有咁嘅情況, 就算普通人唔需要箍牙嘅人都會有唔齊, 只不過視乎你嘅情況入得利唔利害, 手術係可以解決到, 不過要係箍牙之前做, 而且做完之後會感覺到口腔入面有一條疤, 可能會有D唔習慣. 結果我都無做到, 其實上下都係差小小, 無咩所謂啦.
3) 上下如果用最入果隻牙黎對齊,出面d牙係對唔齊,上面會向外d,用大牙黎對齊入面d牙會唔夠長搞到對唔齊?
~~~~第二題都有提過了, 有辦法解決到, 不過你仲有機會出智慧齒喎, 而且日子耐咗都會有機會移位, 當然唔係好誇張嗰隻啦, 只要你唔怕辛苦keep住帶個保持器就ok了.
4) 我想問其實個醫生有無昆水呢?正常都對唔齊?
~~~~通常都唔會咁嘅, 人地有牌通常都唔會咁做啦, 以我個人經驗政府醫生手勢通常都無咁溫柔比較粗魯一d, 平吖嘛, 人地一日睇成幾十個病人, 係咁上下了; 私家醫生會好d, 起碼service都好d啦, 會幫你睇得仔細一d 囉.
******(我d牙都上下排列唔齊啦, 下面嗰排比上面入咗小小ga.)*****
5) 真的嗎?要成日帶?
~~~~可能我情況同你唔一樣啦, 因為我箍完牙就要出嚟做嘢, 我個醫生就叫我, 放咗工就要帶番, 食飯, 瞓覺都要帶住, 其實最好就係24小時都帶, 因為就算箍完牙, d牙都未咁快定型, 個保持器作用係令你嘅牙無咁快移位, 可以固定個位置. 當然係人都貪靚, 何況捱咗成年咁辛苦, 如果你想去街, 唔帶一陣無問題, 不過當你去完要立即帶番, 因為只要你唔帶一日, 之後帶番都會痛, 即是代表d牙已經有小小移位, 再唔立即帶番, 之後想帶嘅時候就會勁痛了.
*****(經驗之談, 我就係因為貪靚, 唔想帶番, 之後就痛到想死了, 又唔帶唔得.....唉)*****
6) 半年會否因太短時間而除左保持器後彈反轉頭?
~~~~ 其實如果可以的話, 我會建議你一路keep住帶個保持器, 何況我相信你醫生都會叫你覆診, 覆診嘅時候醫生會因應你嘅進度幫你再校緊d個保持器, 咁就會好d了.
7) 吞口水好辛苦好難?有時長時間唔講野,一開口唔小心流口水..有咩方法?
~~~~ 我嘅方法係無方法, 唯有盡量唔好咁大動作, 帶定多d紙巾係身邊啦, 唯有習慣吓啦
8 講野,條利會頂到上面上惡,搞到我要就佢唔好咁大力,講野又唔岩音,有咩方法?
~~~~同第7條一樣, 真係要自己習慣一下, 試吓講嘢嘅時候放慢一d, 唔好咁快, 咁就小d機會講嘢講唔正了, 仲有要留意一下自己嘅發音, 小心習慣咗錯嘅發音之後好難改番了.
9) 我cool牙只是一年,保持器都叫我帶半年,所有都好似好快?
~~~~ 箍牙無話快唔快ga, 最緊要你箍完牙, 俾心機保養佢, 一定要keep帶個保持器, 咁棚牙就可以好靚了, 唔係話箍得越耐越好, 箍得太耐又未必係好ga. 而且你仲發育緊, d牙都未定哂位, 所以比較容易, 比起我因為我都叫遲先箍, 所以時間又要長d, 辛苦d呀.

祝你可以keep到d牙好靚啦, 千其唔好半途而廢, 浪費咗之前成年嘅努力呀